انتي .... انتي

[الشاعر ماجد الدعمي]

انتي..
يا انتي شأوصفك
انتي ليل وحاضنه جفوفه السطوح
وانتي ...
انتي غنوه اباب روحي
ومن اسمعج تسكت شبيه جروح !
وانتي سالوفه شكبرهه
بيها اسولف عمري كله
وما املهه !
وانتي ورده
بكل صبح ترجع جديده
وماتبدل ينزف محبه عطرهه!
وانتي ..
لو مره نستج انسه روحي
واه يروحي بنص درب ضيعهه وكتي !
وهم لكيتج ..
ابين لجمات الوكت شلتج قصيده !
تغني بسمج
واكتب اشعاري اعله مودج
وكل حروف الشوك مرسومه بخدودج
ومن يمر ريح اعله شعرج
كل ظنوني وياه تسافر
وبيادرب تنزل صفنتي
تلكه اسمج
وتلكه عطرج .. وبروحي شلتج
انتي .. انتي

تحيات ماجد الشاعر 14/12/2008

[ام فيصل]

وانتي ...
انتي غنوه اباب روحي
ومن اسمعج تسكت شبيه جروح !
وانتي سالوفه شكبرهه
بيها اسولف عمري كله
وما املهه !


غــزل عــذري جميـــل

ووصف بكلمات مفرداتها رائعة

وبيـن الســطور هنــاك شــوق دفيــن

ورغبــة في لقــاء

واحساس يجول في داخلك


شكرا مــاجد -- قصيدة جميلة

[الشاعر ماجد الدعمي]

كل التحايا لك ام فيصل وشكرا لمرورك الجميل وكلماتك الجميله
ولقراءتك بين الصدور

[هاشم نجم]

واكتب اشعاري اعله مودج
وكل حروف الشوك مرسومه بخدودج
ومن يمر ريح اعله شعرج
كل ظنوني وياه تسافر
وبيادرب تنزل صفنتي
تلكه اسمج
وتلكه عطرج .. وبروحي شلتج
انتي .. انتي
----
حبيبي ماجد شكرا جزيلا على هذه القصائد الروعه يا مبدع
تقبل مروري وكل الود والاحترام لك عزيزي

[الشاعر ماجد الدعمي]

وانا ممنون منك جدا اخي الكريم هاشم وسعيد بردودك الجميله تحياتي

[حيدر القريشي]

قصيده قي غايه الروعه يا رائع
شكرا لك على الابداع المتواصل يغالي
وتقبل تحياتي

[الشاعر ماجد الدعمي]

تسلم حبيبي حيدر والاروع مروك الغالي سلمت اخي العزيز
ولك مني كل التحايا