اذا عاكول ليش هواي شميتك؟

[محتاره]

ياخذني الدرب وارجع وكولن لا
وحس كلبي يكلي شلون تاليتك؟

واجر جدمي ويجرني وبين متفض هاي
الكه الروح راحت وصلت البيتك

نهر ذله الدرب شيعبره يامهيوب
وغابت موت بعدك واني هديتك

اجيت اتندمت رديت اجاني الموت
وماادري اجيتك مدري تانيتك!!

مر طعم الندامة وضكته انه بطعمين
لأن ذبت بهواك ولأن جافيتك

الحد سحك الكرامة الخلك طال وياك
وانه الكدتك بدي فوكاهه مشيتك

او وكع ناعور جفك عالخصر طعنات
وطحت من التعب وبجفي كضيتك

وشلتك دمعه خاطر لو بجيت اطيح
جا هلبت كضيت شكثر بديتك

ماترهم ورد وجروحك البروح
يكرهني الورد لو هيج سميتك

ولا أكدر بعد عاكول أكول اعليك
اذا عاكول ليش هواي شميتك؟

وتنعتني بقفص يالطاير بصحراء
اذا مامش غصن مسلوبة حريتك


مو حجيك وعينك بينلي الشوك
حتى اقنع عشك مثلت شخصيتك

فك بردت اضلوعك كلبك المحتار
بخجل بينلي راسه وكلي حبيتك!

جنت بيدي ورحت لمن لواهه البين
بس هسه تبت بيد الله خليتك

منق ــووول

[سلام الدراجي]

محتاره قصيده غزل رائعه تحيه لكي من القلب وتسلمين على النقل بارك الله بيچ

[محمد السوداني]

الف شكر اخت محتاره لكلمات القصيدة الرائعه

تقبلي تحياتي

[محتاره]

شكراًاًاً لكم على مروركم الاروووع

نورتوا متصفحي

مودتىىى