** ارتاح لك**

[أنثى شرقية]

** ارتاح لك**

دوم اسأل نفسي ليش ارتاحلك
اوليش عل الصح والغلط ماجاملك
مدري كلّك عايش ابروحي ضمير
لوضميري ايعيش كلّه ابداخلك
اذن حاول تگطع الشك باليقين
ولاتخلّي الذكر يات اتغازلك
لاترجعنّه لزمن كنا وكان
ما اريد اسمع الگتله اوگالّك
انته حاججني اذا عندك دليل
حتى لتجاد لني او لا جادلك
اتصور تني اتناسه لوفعلن نسيت
لوحسبت احساب صرت اتجاهلك
اوحياتك والذي عرفني بيك
وداعت اعيوني البيهن شايلك
اشكثر ليليه گدامي اشتهيك
اوبين لحظه اولحظه احن وشتاگلك
صح عفتني لوحدي اوبأقسى الظروف
و چان عذرك ظرف طارئ شاغلك
و ياما غضّيت النظر عني و مشيت
وتدري بيه اشگد چنت محتاجلك
ردتك اتصحيّني من جرحك هذاك
گبل لا تحزر بگلبي شظاملك
لكن الله اعلم بما تخفي الصدور
ويعلم بحچي الوصلني و واصلك
انه لو ما حب فلا اعتب عليك
وچا گلتلك من زمان امزاعلك

*****
حسن الشميساوي

[شوك الشفايف]

الله ..يا مبدع ياكبير يا شاعر....
كما ذكرك صديقي الشاعر عدي فريد..
في تعليق له على قناة العراقيه..بانك شاعر متمكن وشفاف
..شكرا لك كنت رائعه لاستساغتك هذي الكلمات ... شوك

[طالب الناصري]

واحنه هم نرتاح لذائقتك الجميله ياحلومه

[محمود شاكر الهلالي]

شكرا ست عيون المهى لاحساسك بالانتقاء

تقبلي احلى تحياتي وتسلمين

[الكناري يونس الجبوري]

[أنثى شرقية]

اخواني الطيبين
شرفتوني بتواصلكم ومرورك الرائع والعطر
الف شكر لكل من شرفني هنا
ربي يوفقكم
تحياتي

نقل جميل ياعيون تحياتي

[أنثى شرقية]

تسلم لتواجدك العطر ومتابعتك الجميله
تحياتي