ليش تزعل

[هاشم نجم]

اصبر الروح بيش وانت بيه الروح
واذا تطلع اظن بس جسد خالي
لكيتك من جنت جسد مالاكي كل الناس
انت اول محب وانت الصرت تالي
يالكلك محبه وانت احسن مخلوق
معقوله الحمامه اتصير كتالي
صح ماكو بجمالك انا ادري بهاي
وروجة رقتك ما كظهه كل جالي
حرام عليك تزعل وانت تزعل ليش؟
اجيك انا اعتذر وبلا ذنب خالي
غالي وكلش عندي وما اهدك دوم
غالي وهسه احبك جي صرت غالي
احسك تختلف عن كل بقيت الناس
بعيوني اشوفك على النجم عالي
واشوفن دمعتك ما جنهه تنزل ماي
ذهب تنزل دمعتك تجدح تلالي
الك بستان عمري بكل ثمن مزروع
راضي بكلشي منك كلشي يحلالي
اجيك ومن ارد فارغ ارد للغير
وعنب بس على مودك تارس اسلالي
يمك انسه روحي ومن اكون اوياك
وعلى فنجان شفتك تركع ادلالي

بقلم
سعد الخفاجي

[مصطفى الباشا]

موضوع في غايه الروعه تسلم اناملك اخي العزيز هاشم
ننتظر جديدك

[محمد السوداني]

الك بستان عمري بكل ثمن مزروع
راضي بكلشي منك كلشي يحلالي
اجيك ومن ارد فارغ ارد للغير
وعنب بس على مودك تارس اسلالي
يمك انسه روحي ومن اكون اوياك
وعلى فنجان شفتك تركع ادلالي

عاشت ايدك اخويه الغالي هاشم المتألق
قصيده رائعة جدا كلك ذوق ورفعه
لك احترامي وتقديري
مع ارق التحايا

[هاشم نجم]

يشرفني مروركم اخوتي محمد السوداني ومصطفى الباشا
اسعدني تعليقكم
تحياتي لكم ودمتم بخير

[حيدر اللامي]

عاشت ايدك اخويه الغالي هاشم المتألق
قصيده رائعة جدا كلك ذوق ورفعه

[هاشم نجم]

شكرا لمرورك الكريم اخي مغترب اوسلو
انت الرائع وكلك ذوق
لك تحياتي واحترامي

حبيبي هاشم حبي لك والف شكر لنقلك للقصيده

القصيده لي وليس لسعد

وهنالك خلل في البيت الثاني ارجو تصيححه

لكيتك من جنت مالاكي كل الناس

مفردة جسد زايده

بوساتي الك

[هاشم نجم]

حبيبي علي الملا الخزاعي
شكرا لملاحظاتك القيمه
القصيده نقلتها من احدى المنتديات
ومكتوب اسم الشاعر سعد الخفاجي
اعذرني لا اعرف انها لك تقبل
اعتذاري وتحياتي