أنا بدرب ألزمن يحتاجلي عيون
أنا بدرب ألزمن يحتاجلي عيون
بعد ما تكدر توجّــــد عيــــونــــي
أشوفن كُبرن بحسباتي ألظنــون
وأخاف تخون خطواتي بظنونـــي
أتلبّس وألبس وأحجي يالـــــون
بعد ما فَرزن بألوان لــونــــــــي
ساعه أتمثّل وأتوسّم بجـــــــون
لن مابي جنون بشرف جـَـــونــي
أهولأجل ألحقيقه أنصاب بجـنون
وآنه أختلف عن مقصــد جنونـي
وساعه أضعف وأشاكف وأطلب ألعَون
ألكي الناس كلها تريد عــــــوني
وأرد أعدل طريقي ألدرب ألفنون
ألكاها جذب تطلع فنونــــــــــي
وأكول أحتزم وألحك تالي ألضعون
أخاف أتّيه ما تلحك ضعـــــوني
أعظ بهام حيفي بتالي ألســـــــنون
لن ألحيف تتولاّه ســـــــــــــنوني
وأشوف ألدنيا بيها أعتلى ألمادون
وأشوف ألصعدواعلى جتافي دوني
ضميري يوصّي بيّ بالك تخون
والواقع يكل للناس خونــــــــــــي
من وشلة عيوني ألناس يردون
ومن علكم حقدهم يوردونــــــــي
أدوّر عَلَي ماكو ويَ أليدورون
شــــــــــو دوّروا بيّ وما لكوني
هوايه ألمثلي بالناس أليتَيهـــون
وين ألكى ألأحباب التيّهـــــــوني
أودّعهم ردت ويّ اليودعــــون
عافوني ومـــــــشوا ما ودّعوني
كلت غضبن جفوني وباجر يجون
أجو للناس كلها وما أجونـــــــــي
أنا لسّا بعدني بحزني مســــــجون
أقرى عيون حيطاني بســــــجوني
تلكاني لعد ســـــجّاني مديــــــون
ياهو ألمثلي مديون بديونـــــــــــي
للشاعر المبدع هادي الفتلاوي
رد مع اقتباس
رد: أنا بدرب ألزمن يحتاجلي عيون
المشاركة الأصلية كتبت بواسطة طالب الشمري
