تحجين على الوفى على الوفى تحجين
، بس اتغدرين انت على الوفى ماتتعلمين
،تنسئين كل تعب ذيج السنين ،
انت عني ما اتسئلين
شبسرعة انت تنسئين ،
اذكرج اني الجنت روحي مثل الشجر وبوراقه تتغطين ،
وجنت مثل الطير وكت اليلل يفرش اجناحه ومن البرد بجناحه تدفئين ،
ولو مربيج العطش من كلبي افتح الج ينبوع واتشربين
، بس انت معلمة على الغدر واتغدرين ،
وشلتج بنص ماي عيني بس طبعج اتنكرين ،
وشلتج بنص كلبي وسيفج بحشاشي اتشكشكين ،
مر على الموت بغفلة عين ،
واتنميت ويه الناس تجين
، كل الناس تبجي بس انت احسج على اتضحكين ،
ردت بس كلمة منج هذا مسكين ،
واني ميت وانتي ويه الناس على اتزايدين ،
هذا الوفى وانت على الوفى ماتتعلمين ، ولو رجعت الى الروح هم ترجع على الغدر واتغدرين
روحي اتعلمي الوفه وحبي الي تحبيه بعدين
ومبروك على الي تحبيه حبين