كلمات قصيده يحسين بضمايرنه الرائعه

قصيده لاتنسى ابدا

يحسين بضمايرنه
الرادود : المرحوم ياسين الرميثي





*** *** ***

صحنه بيك آمنا .. يحسين بضمايرنه
لا صيحة عواطف هاي .. لا دعوة و مجرد راي
هذي من مبادءنا .. صحنه بيك آمنا

ابتكوين البشر يحسين .. مستوي النوعية
اسمه و مهجه و واضح .. و معروف بتساويه
الشيء البيه خيف و مجهول .. نزعاته النفسيه
و هي بدورها اكتسفت .. و تظهر لك مخافيه
اكتسفت من اتجاهاته .. ﭼـان لو لاها سنيه
و إحنا بنفسك آمنا .. من عرفناها قدسيه
بتثقيفك علمتنا اوصاف .. من ودك بشخصية
علمتنا بيك أبو الأحرار .. عرفنا الموت حريه
علمتنا التضحيه بشخصك .. عرفنا الشرف تضحية
علمتنا بيك أبي و مسلين .. عرفنا الذل عبودية
علمتنا على الكرامة ﮔـضيت .. عرفنا نريدها هية
علمتنا بذا الدم وحية .. عرفنا الدنيا وقفية
علمتنا قسوة أعداءك .. عرفنا إحنا الفدائية

عرفنا نظل بدين نريد .. من إيد القساوة تئيد
عرفنا نظل بدين نريد .. من إيد القساوة تئيد
*** *** ***

يحسين بضمايرنه .. صحنه بيك آمنا
لا صيحة عواطف هاي .. لا دعوة و مجرد راي
هذي من مبادءنا .. صحنه بيك آمنا

عن سابق علم يحسين .. و عن تركيز بالفكرة
حبيناك و اتبعناك .. و نتوقع غصص مرة
و نتوقع وقت محزون .. و ساعات تمر خطرة
مابين اليكيدنا .. و بين اليدبر لغدره
و مع احساسنا هذا .. و اجتزناه و ننتظره
آمنا و توطنا .. على كلشي بعد يـﮕـره
معلوم اليشم أزهار .. يوغزه الشوك بالكدره
على ريحتكم شنو الأزهار .. نتحمل آلا جمرة
ترضى بكربلاء تشهد .. لمن دمنا أصبحت حمره
و يوم العاشر بعاشور .. هم يشهد مع الذكره
و كل طعنة رمح تشهد .. و كل سيف بطبر طبرة
كلها تصيح آمنا .. بمحبتك يبو العترة
حقيقتنا و طبيعتنا .. كتبناها على الفطرة

إحنا و كل دما مهدور .. و كل طعنة و جرح و نحور
إحنا و كل دما مهدور .. و كل طعنة و جرح و نحور
بساحات الكرف كنا ..
*** *** ***

يحسين بضمايرنه .. صحنه بيك آمنا
لا صيحة عواطف هاي .. لا دعوة و مجرد راي
هذي من مبادءنا .. صحنه بيك آمنا

يحسين إرتطبنا وياك .. بالدم بالنفس بالدين
مثل ما ﮔـلنا عالفطرة .. لا صدفه و لا تعويذ
أفرض نسل عن خطك .. و نسير على خط بعيد
أفرض يـﮕـسب بنا الكاف .. و يسحرنا هواء التجديد
أفرض نسيه نقامر .. و نتذرف بلا تقييد
أسمع تفرض بعد يحسين .. أسمعني أعمل بعد و نزيد
لابد ما تجي الساعة .. البيها ننتبه و نعيد
لابد ما هواء الرحمة .. يدركنا و نرد جديد
حتى انسانا نهرم .. و يضعف حيلنا و نبيد
و لا نـﮕـدر نحرك راس .. و لا نـﮕـدر نحرك ايد

و لا نشوف و لا نسمع صوت .. تسندنا وسادة موت
و لا نشوف و لا نسمع صوت .. تسندنا وسادة موت
بآخر نفس إحسبنا ..
*** *** ***

يحسين بضمايرنه .. صحنه بيك آمنا
لا صيحة عواطف هاي .. لا دعوة و مجرد راي
هذي من مبادءنا .. صحنه بيك آمنا

على سيرة عقايدنا .. نحبكم يا بن داحي الباب
فتتنا بمحبتكم .. و ما ظل على العين حجاب
لا حب محترف طامع .. لا حب هاوي شب الغاب
حب المحترف عنده .. بتحقيق الارباح حساب
و حب الهاوي يتنقل .. و يهوى أعلى ساعة و غاب
الحب حبنا العلى الفطرة .. العالمعتقد بالألباب
رواد الأصول تـﮕـول .. عاليعتقد ما ينعاب
حبيناكم و إحنا .. بدين الراحم و الأصلاب
على هاي العقيدة نسير .. في الحاضر و اليجي و الغاب
على كل صوت من عندكم .. نرفع صوتنا بإيجاب

بصوتك من طحت يحسين .. هل من ناصر لهلدين
بصوتك من طحت يحسين .. هل من ناصر لهلدين
ما بين الأصلاب إحنا ..
*** *** ***

يحسين بضمايرنه .. صحنه بيك آمنا
لا صيحة عواطف هاي .. لا دعوة و مجرد راي
هذي من مبادءنا .. صحنه بيك آمنا

مر بينا على حبك دور .. لا ينِسى و لا يخفى
من عدوانك الكانت .. بينا تريد تتشفى
علينا أفرضوا أحكام .. بلا رحمة و لا رأفة
ثبتنا بطيبة و برهنا .. للظالم رغم أنفه
حتى من نجي نزورك .. على العادات المأتلفه
يتحـﮕـﮒ علينا يريد .. يمنعنا بألف حرفه
ﮔـال اللي يزور حسين .. و لمهما يكن ظرفه
عليه مية ذهب يدفع .. رسم زيارته يكلفه
دفعنا و كل شخص منا .. يشعر بعده ما وفى
شنهو الذهب شنهو المال .. الليحب يتوطن لحتفه
رد ﮔـال اليزور حسين .. من إيده ينـﮕـطع ﭼـفه
انطينا ﭼـفوفنا بالحال .. و ركضنا نزورك بلهفة

عنك ما منعنا الخوف .. ﮔـطعو من إيدينا ﭼـفوف
عنك ما منعنا الخوف .. ﮔـطعو من إيدينا ﭼـفوف
من الألم ما صحنا ..
*** *** ***

يحسين بضمايرنه .. صحنه بيك آمنا
لا صيحة عواطف هاي .. لا دعوة و مجرد راي
هذي من مبادءنا .. صحنه بيك آمنا

عفت يابن النبي الهادي ..
عفت يابن النبي فترة .. يصعب عاليحددها
مات النبي و عن ضنته .. ذببت عهد مولدها
و الناس بكفر و بدين .. مضطربه عقايدها
و لن حكم بن أبو سفيان .. بدأ للنظم يجردها
و دين الدولة صح إسلام .. يصم حلوﮒ و يسدها
يا ديني و أمير الشام .. لهلكلمه يرددها
ما قاتلتكم للصوم .. لا حج لا محمدها
بهلذهنيه و المفهوم .. الأمور خلافه مهدها
و على دين الملوك الناس .. تماسع بتقلدها
بهالرد الفعل يحسين .. بهلفضوه التشاهدها
ﮔـمت و أطلقت هلصرخة .. الماتتأول لضدها
إن لم يستقم هلدين .. ﮔـلتها و أكبتت عندها
و بضدت المسك لن الصوت .. إرتفع نيته يفندها
صاحو خارجي و صحنا .. يحسين إنته سيدها

صاحو أكركت يحسين .. صحنا إنته أصول الدين
صاحو أكركت يحسين .. صحنا إنته أصول الدين
صاحو بيكم إكفرنا ..
*** *** ***

يحسين بضمايرنه .. صحنه بيك آمنا
لا صيحة عواطف هاي .. لا دعوة و مجرد راي
هذي من مبادءنا .. صحنه بيك آمن



منقول

[حيدر القريشي]

بارك الله بكي اختي العراقيه
على القصيده الاكثر من مؤثره
وتقبلي تحياتي
ودمتي بحفظ الباري

[ام فيصل]

احسنت عزيزتي العراقية على هذه القصيدة

فهي من احب القصائد الى قلبي كلمات وأداء

دمتي لنا وبارك الله فيك

شكرا اخي حيدر
وشكرا لموررك الجميل اختي ام فيصل
بارك الله بيكم
ودمتم

[طائر الجنوب]

شكرا لكي اختي يا مواليه انها والله اجمل ما كتب بحق الامام ان هذه القصيده هي سمفونيه الشيعه وبارك الله فيكي على فكره حضرتكي اوصيتيني بزياره الامام الرضا نيابه عنكي لاني كنت في ايران وانا اديت الوصيه ودعوت اليكي ولكل الاخوان والاخوات في المنتدى

منور الموضوع بمرورك الكريم اخي
واشكرك من كل قلبي على دعائك
وان شاء الله زياره مقبوله بحق محمد وال محمد

شكرا جزيلا
ودمت بخير ان شاء الله

[هاشم نجم]

احسنتي لهذا الاختيار الرائع لاروع قصيده خالده
جهلها الله في ميزان اعمالكي
وتقبلي تحياتي

الف رحمة على روح المرحوم ياسين الرميثي