الى من رحلت من ذاكـــرتـــي بارادتها ......
إخيــــوط تذكـــار
تعـــال وشوف بيه شسوه الفـــراك
عله الميعـاد اجيتك
سابك الريــــح ...
تمرني بطيف لحظــه وتاخــذ الروح
ويضل حد الصبـــح
صوتك تواشيــح...
اطــف صفنـة اسنيني خاطر الكـاك
واطلعــك من صفنتي
بغيــــر تصريـــح...
أم روحــي بغيـابـك ثكــلــه وتنـــوح
وعلــه ضيم اللفاهه
انــــوب شتصيـــح...
بيبــــان الخــلك سدتهــــه الايــــام
شمــع احمـــر
عليهــه ولامفاتيـــح
وبيك من الطفوله اخيـــوط تذكــــار
تجرني لذكـــــره
شالتهــه المراويــــح....
اثـــــــار البـــــراءه بـخـــدك تلــــــوح
وبـزلــوفــك غفـت
كل المـراجيـــــح .....
بجفوفك دفــو وضحكــات صبيـــــان
بيت ابيـــوت لعبــو
والنــده ايطيـــح .....
ولان بس انته وحدك تارس العيـــن
اغمض لو ذكرتــــك
خايــف اتطيـــح ....
طب كلـــب خسايــر هاي العيـــون
لـــوّن تـــــــدري
اشكثرهن والمجاريــح ...
باتــــن صــايمــات وشوفتــك عيـــد
خـاطــر بس تجــي
صلــن تــراويــــح ...
كون ادخل براسك واعرف شبيـــــك
امـور اهـــواي بيــك
تــريــد توضيــــح......
آنــه اول حـــرف بشفـــاك مــرسوم
هسه اول حــرف
محتــاج تصحيـــح .....
لتضيـــع بـوكتـــك والـــوكت سيـــف
ودم نحـــر العمـر
بس تخمل يسيح ....
تعــــال الشوف عكبـــك تيــه العيـن
وصفو جيـش الصبر
كـلهم مطاريــح ....
نـاس العـاشرتـهم بعـــدك اجنـــاب
عينتهم بجـــــه
بدمــع التماسيــــح ....
وينك يالغبــت شو طــــال الغيـــــاب
كونـــك ماتجـــي
دزلنــــه تـلميــــح ...
ترهـــــــم ياكـنــاطـر ويــه العـيــــون
وانــه الغــــركـــــــت
بدمعـــي الملاليــــــــــــــــــــــح ......
,,,, تحياتي ,,,, للجميـــــع ,,,,