عذرا يافيروز..الى حبيبتي بغداد

[محمد السوداني]

كلمات وتعابير بسيطة ولكنها تحمل الكثير من ما يجول بقلب كل عراقي ان كان بالداخل او بالخارج احببت ان انقلها لكم ويمكن سر جمالها ورونق معانيها هي بساطتها التي تجعلها قريبة الى القلب اكثر من قربها الى الوزن والقافية

نسم علينه ..البـــــــــــجي

اشتم رياح الدمع واختنك من الحزن..
خلصنه كل العمر
نمسح دموع الجفن
مابقت عندي ثقه لاباليروح ويرد
بالوطن حته الورد
بالعطر حمل جذب
حته الورد مايحن
من عنده لاتقترب
(باي لحظه هم ينفجر)
ونموت بأرخص سعر
نندفن مره بحجر
(ومرات مانندفن)
وفيروز من الصبح ياخذنه الهه الطرب
بس نسمع بغير اذن
(نسم علينه البجي من بجت بغدادي
يا حزن دخل الحزن بس فارك بلادي
اخواني ماتو غدر .. وانذبحو اولادي)
فيروز ماضل صبح..
الصبح عاف الوطن
بالشمس ماضل ضوه
اخذوهه للمعتقل
(زينو ضواهه صفر)
وذبو شمسنه بسجن
كاتلهه هسه القهر
وتوصي خيط الفجر
بلكت يمر بالعجل ..
ينطيهه لكمة أكل
رادت جكاره وغطه
وفراش دافي الحضن
جي ماتت من البرد
اتدخن وتنتضر ...خلصت كل التتن..
والليل كاعد يون ..
ويبوس جف الكمر
والكمر ضل يعتذر
ميريد يطلع بعد
ويخاف من النجم ..(خاف النجم ينفجر)
بصحراء ضعنه كبل وهسه احنه ضعنه ابحر
وشنهوه يعني الفرق ؟؟
بالحالتين اعتقد
ميتين من العطش
ميتين من الصبر
لا قافله الي تمر
ولابينه ننطر سفن..
لو كلنه نطلع سوه
لو نسكت وننطمر
واتمنه لو نتحد وشيصير لو نتحد؟؟
ونحرر احنه الشمس ويرد بدينه الضوه
وندوس ذاك الحزن
ونعيش بس بفرح
ومن يجينه الصبح
نغني كلنه سوه
نسم علينه الهوه
من مفرق الوادي
ياهوه دخل الهوه
خدني لبغدادي

مع تحياتي

[سلام الدراجي]

الله الله اخ محمد السوداني رائع ما سطرت اخي العزيز قصيده رائعه واسلوب مميز واحساس راقي تجاه الوطن عاشت ايدك ودمت بالف خير

[أنثى شرقية]

السلام عليكم
عاشت ايدك كلمات رائعه للوطن الحبيب
والف حمدلله على سلامتك وعوده موفقه بين اخوتك وخواتك اهل الفرات
مع تحياتي
الك اخوي الطيب محمد

[@عراقية@]

أحسنتم وسلمت اناملكم المبدعة اخي محمد
نورت المنتدى بهذه الاطلالة
لا حرمنا تواجدك بيننا
لك خالص تحياتي

[امير الاحزان:]

وشنهوه يعني الفرق ؟؟
بالحالتين اعتقد
ميتين من العطش
ميتين من الصبر
لا قافله الي تمر
ولابينه ننطر سفن..
لو كلنه نطلع سوه
لو نسكت وننطمر
واتمنه لو نتحد وشيصير لو نتحد؟؟
ونحرر احنه الشمس ويرد بدينه الضوه
وندوس ذاك الحزن
ونعيش بس بفرح
ومن يجينه الصبح
نغني كلنه سوه
نسم علينه الهوه
من مفرق الوادي
ياهوه دخل الهوه
خدني لبغدادي
.......................
الله الله
اخي محمد..
شقتبس تا اقتبس
كلها مثل عين الشمس
تفرحني وجه الصبح
وبغيابهه حيل انحمس
....................
قد ياخذني الكلام وانثر هنا قصيدة مجاراة لقصيدتك
الا ان ما قراته..لا يستحق منا سوى التصفيق لها
ولكاتبها..
وعوده ميمونه اخوية الغالي
ربي لا يحرمنا منك

[ام علاوي]

قصيده رائعه اخي محمد
لكن هل القصيده من كتاباتك ام منقوله
ولك جزيل الشكر
تحياتي
ام علاوي

[جنة بغداد]

كلمات عذبه مثل ما عودتنا دائما

اخي محمد

دمت متميز دائما

تقبل مروري المتواضع

[محمد السوداني]

مع تحياتي
الاخوة والاخوات الاعزاء
شكري وامتناني لمروركم الجميل وتعليقاتكم الرائعة والمميزة وتفاعلكم مع الموضوع

لكم ودي وتقديري