محنه
قصيدة في ذكرى استشهاد فيلسوف العصر العلامة الشهيد
محمد باقر الصدر والتي سالقيها في المهرجان المركزي الذي سيقام بهذه المناسبة يوم الجمعة المصادف 10|4|2009 في كربلاء ياربي تنال الاعجاب
اذامره تشبه الناس بحسين ماتلكـــه ولاواحد مثيلــــــه
واذامره تشبه الناس بيزيـــد ملايين البشر طبعه تشيله
خل نفرض لكينه اليشبه حسين
يفدي اروحيته ويجدم الـــــراس
لكن يظل صوت الغيره مذبـــــوح
والرايه تطيح بغير عبـــــــــــاس
وخل نفرض لكينه ألمثل عـــباس
على جرف النهر ناشر الجفـــين
لكن موحشه وعطشانه ألسيوف
ويّظل بغير زينب ينزف الديــــــن
دورنه وتعبنه والصبر فك بـــــــاب
ومن بين البشر واحد لكينــــــــه
شايل طبع جده وغيرة العبــــاس
ومثل زينب آمنه تحشمه وتعينه
شايل نحره بيده وسجته الموت
وبظهره الغدر جالت سجاجينـــه
وشايل هم وطن متشكبن بآه
ورغم العوز مجلت مواعينـــــــه
وشايل دمع حره مالواها الظيم
تكصهاولاتمد جفوقهابشينــــــه
وشايل جرح أمه هاي أله سنين
وسنينه تعدي وتاكل سنينـــــه
أهي محنة حسين بيوم الطفوف
نهب النصرته خفنه وعمينــــــه
عفناه بحصارومحنه حد الموت
وللجلاد سلمناه بدينــــــــــــــه
بخلنه وماعرفنه شلون نفديه
بخلاص أرواحنه وسفه التهينه
ضمينه دمعنه بضحك جذاب
اثاري شفاهنه تضحك علينـــه
تعثرنه نعم بس ذاك من ذاك
بالنمام والواشي أبتلينـــــــــه
عذراوأدري مني تقبل اعذار
يبو كلب الماعرف يوم الضغينه
ياصدر العراق واسمى عنوان
وبيوم الغبت غابت عناوينــــــه
لان انت الشمس وعجلّت الغياب
على عتمت ظلم ماتكدر الشمعـــه
ردت هذا الوطن بحضانه يرعاك
وبحضنك وطنه رايد اتجمعــــــــــــه
مثل ما نحر جدك كطّع سيوف
ألحبل المشانق نحرك ايكطعـــــــه
مويوم الطفوف حسين من طاح
اليوم النواصب كسرت ضلعـــــــــه
اوموآنه دمعتي طاحت عليك
العراق بغيبتك كله صبح دمعــــــــه
آسف للاطاله وتحياتي للجميع
twfeek
رد مع اقتباس
رد: محنه
