ابوذيات جميله

[اميرالاحزان 1985]

اخذ يمك گلبنه و بي تهنه
و اكل من زاد روحي و بي تهنه
حبيبي انت اهلنه و بيت اهلنه
و اعز من الاهل طلتك عليه


أبطن الحوت يونس ونته بيهة
المحاسن نسل منك ونته بيهة
لا تحرك مهجــتـي ونته بيهة
خوفي عليك مو خوفي عــلـية

عليه انشد ياصاحب بعد مابي
وجفن عيوني وشل دمع مابي
اذا تنساني شلي بعمري مابي
شسوي بعمري اذا رحت من اديه

*************************
ترى بموتي المصايب خيرني
ونطق كلبي بمحبتك خيراني
حبيبي يريد اعوفه خيراني
وانه مااكدر اعوفه شلون بيه
*************************
عليك افراحي راحت سلمني
وعذولي من النواحي سلمني
احس من عفت خلي سلمني
وكلت راح وبعد شيرده اليه



عزيزة الروح ترفض ما ردتهة
وبفراكك انتة يصاحب مردتهة
وعلي شحت أوصالك من ردتهة
شنه الغيبة يالغالي علـية



كتلني الشايل اوراقه وكتبه
ولعب بيه الهوى طره وكتبه
لدك اسمك على كليبي واكتبه
ودز الروح لعيونك هديــه


شعجب وياك مامقبول عذري
وانت ابن العشاير جمع عذري
حبنا وياك يامدلول عذري
جميل وقيس صار ونهم الية
___________________________
روحي اتسب هجر روحك حشاها
مريضة ابهل سبب صارت حشاها
اظن فكري الذي الكم حشاها
على كيفك فلاتحمل اذية
_____________________________

منقول

مع تحياتي اميرالاحزان 1985

[امير الربيعي]

عاشت الايادي اخي الفاضل دارميات جميله

[ام فيصل]

صح لسانك عزيزي
ودام لنا هذا الإبداع
مميز دوما باختيار كل ماهو جميل
تحياتي للأمير الرائع

[اميرالاحزان 1985]

شكراااااااااااا على مروركم

مع تحياتي اميرالاحزان 1985

[امير الاحزان:]

روحي اتسب هجر روحك حشاها
مريضة ابهل سبب صارت حشاها
اظن فكري الذي الكم حشاها
على كيفك فلاتحمل اذية
**********
احسنت اخوي الغالي
ابوذيات روعه
تحياتي

[اميرالاحزان 1985]

شكرااااااااااا امير على مرور منوووووور

مع تحياتي اميرالاحزان 1985

[مرام سامي]

تسلم ايها الامير الحزين على هذا الاختيار ابو ذيات رائعة.

[اميرالاحزان 1985]

منوووووووووره مرام

يسلموووووووو

مع تحياتي اميرالاحزان 1985