الله وياك ...
يالهدّيت حيلي بسالفة فركاك
الله وياك ..
يالعلّكت روحي بغصن
وبخيط دمع الجفن
وتكلي لا لاتظن لو طحت اتلكّاك
الله وياك ...
روح ..
لا لا لا تبتعد إصبر
هاك اخذ كل الهدِيته
شوگ آثارك إخذها واخذ كلبي العمّريته
واخذ لهفاتي التجي باللّيل تتعناك
الله وياك ...
جف اللي يودعك راح اكصّه هنا
اخافن يحن ويلوّح لملكاك
الله وياك ...
يالماجنت اظن بالروح الك عنوان
طِلعت انته عنواني وعلى شفافي الوان
واشواقي الزغيرة اليتّماها جفاك
الله وياك ...
عيوني جاريات ومالفاها النوم
وماتشتاكلك جنّاتي بعد اليوم
لان حتى الجنان احتركت بفركاك
الله وياك ...
بقلم : رفيقـة القمــر
5 / 6 / 2011