راح ارحل لغير بلاد

[انجي العراقية]

راح ارحل لغير بلاد ..بس اخذ جف من بغداد ..جف تراب يظل للذكرى
ومن اشتاق اشتم من عطره ..وللمجروح يصير ضماد
راح ارحل لكن مو سهله ..اخذ قطرة مي من دجله ..افتر بيهه بكل
الكون وامسح بيهه هواي عيون ..ونوزع من عدهه مراد
راح ارحل لكن محتار.. ما ادري شاخذ تذكار ..ردت اخذ بغداد وياي
لحكتني أمي بطاسة ماي ..وكل ظنهه ترجع البعاد
راح ارحل لكن بالباب شفت اطفال ..وشفت اللعاب ..ودوا بسمه
وياهه عيون لطفال الغربه ..بلكت يجمعهم ميعاد
راح امشي وما اندل دربي ..اسمج مطبوع بنص كلبي ..ما اكدر لو
فد لحظه انسه صوره بغداد ..لحد هسه بنص عيني صوره وكدامي تنعاد

ارجو ان تنال اعجابكم

[ابو علي الصكر]

اخذي جف اتراب من اضيج النفس صلي عليه00
وخذي ميه من دجله او بخيه عالجدران 000
وخذي اوياج حنين او شوك للخلان000
00000000000000000000000000000000 اه من الغربه والله احنه بوطنه انحس بالغربه00
كيف انتم 000
في وطني وبين خلاني واذا اشوف شغله اتضر الوطن ابجي00000

لكم الله يا غرباء الوطن 000

ودمت للمزيد

ان شاء الله يسلم الايادي
والله ايعينه على هاي الغربه الي والله انا اتمنى اموت موت الله ولا اضل عايشه هنا بالنرويج واموت باليوم ميت مره لان اتحس بالفرق
والله انه اجيت للعراق ب2006 بس والله شهرين من عمري لان حسيت بحياة حقيقيه بين اهلي الي انه ما اعرفهم بس احتضنوني بشكل غير طبيعي

واتمنه هسه على الصيف ارجع بس حسب الاكنومي ههههه

شكرا على الكلمات الحلوه بس عندي تسائل انه ما دارسه عربي بحياتي واحتمال اتشوفون اخطاء وعندي تسائل صغير الي هو شنو نوع الكتابه هذي هل هي شعر ام خواطر؟؟؟
وانا شاكره الج حبيبتي انجي

اختكم فراتين