تكَلي اصبر...اهداء للغالية ام فيصل
((تكَلي اصبر))
ويكَلي اصبر!!
وتصيح الناس
كلها اصبر!!
بعد شصبر؟؟
ماظل حيل حتى اصبر!
خلص عمري
صواني شموع بس انذر!
ولاهزك بجاها العين
بخدودي الدمع اثر؟
ولاساعة الكَلت عيناك
وتخلي الكَلب ينسر؟
ولامرة تجي ملهوف
وتكَلي حبيبي آآمر؟
ناسيني ولاعالبال
جلمة وضاعت أبدفتر!
وتكَلي اصبر؟؟
شلون اصبر؟؟
يبن الناس هاك انظر!
امشي بنومي نص الليل
يم بابك وأظل انطر!
وإذا تكَول الصبر ينباع
جا هلبت عليّ بعته؟
ولو كَتلي الصبر ينباَك؟
وحَك عيناك جا بكَتة!
شيفيد الصبر للطير
والشبجة على جناحه؟
صبرت وياك صبر أيوب
وتكَلي الصبر راحة!!
وتريد اصبر؟؟
يشاتلني بظهاري الكَيض
يالغيمك فلا يمطر!
انهّ العطشان كَلبي أعليك
وبجفك سكَيتة المر!
انهّ الفاضحني دمع العين
حرت شلون بي استر!
موطال الصبر جمدوب؟
هاك اجفوفي بيها أشبر!
بعد شصبر؟؟
وانهّ الكَضيت عمري وياك
بس اصبر!!
**********
مع تحياتي للغالية ام فيصل
الشاعــــــــــر
جلال البطاط
رد مع اقتباس
رد: تكَلي اصبر...اهداء للغالية ام فيصل
