الى امي ألحنينة

[سهر]

قصيدة الى الام
________________________________________
إلى امي ..
مع حبي وحناني ..
ييمه وداعتچ ..
گصر زماني ..
الگلب مايحمل اوداع ..
وبلياچ العمر ضاع ..
ومنين آنه ادور ..
عمر ثاني ..

تذكرتچ ييمة بأول الليل ..
وتمنيتچ صبر ..
من خلص الحيل ..
ييمة الدنيا بعدچ ..
گامت تعيل ..
وآنه بلا صبر ..
والهم اجاني ..

إلى أمي ..
منو يوصل سلامي ؟
ومنو اللي يجيب ..
طيف امي بمنامي ..؟
كون تشوفني ..
وتسمع كلامي ..
وتعرف من بعدهه ..
اشگد اعاني ..

تحياتي ..
إلى امي الحبيبة ..
إلى من زرعت ..
بكل عمري طيبة ..
ييمة الروح ..
من بعدچ غريبة ..
ياريت ابسفر ..
حتى ابقى اتاني ..
يارب ان تنال اعجابكم

[محتاره]

قصيده رااااائعه بحق

سلم اناملك عزيزتي

ياريت نعرف منقوله ام بقلمك

مودتىى

[سلام الدراجي]

تسلمين سهر اشما نكتب عن الام لا توافي حقها ربي يحفظ كل امهات العراقين من كل مكروه ويصبرهن على مصائب الدنيا بوركتي اختي العزيزه

[الشايب العراقي]

ييمه وداعتچ ..
گصر زماني ..
الگلب مايحمل اوداع ..
وبلياچ العمر ضاع ..
ومنين آنه ادور ..
عمر ثاني


فعلا الام متتعوض وربي

[حيدر القريشي]

وهل يوجد ما هو
اطيب
واروع
واحن
واعذب
من الام
فهي الملجأ الوحيد
الذي يغذينا بالحياه
سلمت اناملكِ اختي العزيزة
ولكي مني ارق التحايا
واطيب الامنيات