أبشركم باجر الكهرباء تـــصــيـــر زينـــه

بسم الله الرحمن الرحيم

ويخرجكم من الظلمات الى النور صدق الله العلي العظيم


الى الشعب العراقي المظلوم



ما هيه علاقة ( باجر ) مع الكهرباء


خل اسولفلكم هاي السالفه




ابو محمد رجل من ناحية العبايجي قرب مرقد السيد محمد عليه السلام


مطلوب فلوس للحاج ابو حسن شكد المبلغ الله اعلم



لكن ابو محمد عنده ارض زراعية


وكل يوم المكرود الحاج ابو حسن يجي لأبو محمد


اخي ابو محمد السلام عليكم


وعليكم السلام


اسويت على شغلة الفلوس


والله يااحجي اعذرني ان شاء الله باجر يمك الفلوس


وعلى هل المنوال لمدة 9 اشهر


بعد ال 9 اشهر


اجه الحاج ابو حسن لكاع ابو محمد


وروحه طالعه



صاح ابو محمد وينك اطلع

وكان ابو محمد ما موجود محدر للولايه يشتري زرع


ابو حسن شاف بس محمد يزرع فسلان بالكاع


يعني نخل صغار جدا




اجاهه ابو حسن كاله عمي الله يساعدك


كله هلا ومرحب



كاله عمي اني اطلب ابوك صار اكثر من 9 اشهر


وكل يوم ابوك يكلي باجر

تره راح اشتكي عليه



كاله عمي الله يخليك لا تشتكي عليه


هاي النخلات ان شاء الله من يكبرن ويصير بيهن تمر واكصه وابيعه راح انطيك الفلوس من عندي


هذا ابو حسن هم فطير كاله عمي ميخالف بس اني راح اجي اخذ فلوسي من عندك كاله والله تدلل ومن هاي العين وهاي العين


هذا الحجي بعد 10 سنين يالله يكبرن النخلات ويصير بيهم تمر والف عمامه تنكلب



رجع ابو محمد من الولايه


كاله محمد بويه بويه

اجاك ابو حسن \

وكالي اريد الفلوس لو اشتكي على ابوك

واني واعدته على التمر بعد عشر سنوات تقريبا


عاد ابو محمد كال لمحمد الله يطيح حظك شلون تواعده على التمر



ليش ما كتله باجر


ولك الباجرات ما تخلص







هاي سالفة الكهرباء


والحليم يفهم



مع التقدير

والله يااخي الزير سالم

سالفتك هاي عالجرح

وان شاء الله باجر تصير زينه من دبش ههههههههههههههه



مع تحياتي

[ام فيصل]

ههههههههههههههههههههههههههههه

مشكور عزيزي الزير خوش سالفة

هانت انشالله -- والله يعينكم ويجزيكم كل الخير على هذا الصبر

تحياتي لك عزيزي

[طائر الجنوب]

ههههههههههههه مشكور اخي العزيز الزير مع تحياتي لك

[بنت البصرة الفيحاء]

اخوي الزير والله هاي سالفة ميتة من زمان واحنة تعودنة على المولدات واصحاب المولدات الي ماتكدر تحجي وياه كلك مايعجبك بطل وعلى هالحسبة المهم هسة يكولون راح توصل بارجة تركيةمحملة بالمولدات وانشاء الله خير وعلى كولة المثل اكرمكم الله موت ياحمار............
مع تحياتي بنت البصرة

[الامير العراقي]

هههههههههههههههه مشكور حبي الزير والله خوش سالفه

[سمير الكرماني]

شكرا اخي الزير على القصه خوش كلام اوخوش قصه ترهم على كل العراقيين
عود لمن يجي باجر حتى انبنجر تمام
تقبل تحياتي وتقديري