طكَات الزمن @@ للشاعر علي الكركوشي
لاتامن جرح مــــا يدي ضنك طاب ســــاعة ويالجم ينهال الك دمه
ولا تامن صديقك لـــو ضحك وياك الحسن مرته بديهه قـــدمت سمه
وبلوان الحدايق لايغرك لــــــون اكو جذاب لونه وكــــره تشتمه
لتخلي اساســــك طين وسط الماي بيه مد وجزر والحايط ايهدمـــه
اذا مايك تبه ابكـــــاع كلهه افطور هــــم تكدر تجمعه ياترى اتلمه
شوف اشكد فــرق بين الاغراب وبين طير امـن السعد مهما زغر حجمه
تصح بوشيه تلبس بس عليهه اشكـال واكومفرعه ولكـــن بشرف قمه
اذا مكسوره أيــــدك تلحم تجبيس واذا مكسور كلبـــك بيمن اتلحمه
خـــل روحك جبل يتناطح ويه الغيم وخـل خلكك يضوي ابهندسك نجمه
درع صبرك اللبسه وحتشم بيــه دوم وكتك بالغـــدر وايلوحك ابسهمه
خــــل وكتك وراك ولا يسبكك يوم مـــاينفع بعد عض اصبع الندمه
سوالف مــن كلب بيه مخبئ الآهات وعلـى درب المصايب راكض ابهمه
تسع تالاف يوم العمر صـــار وياي ولايوم اعلــى شافي خضرت بسمه
افرح بالحلم بس افز مـــــامرتاح لان فــــرح الحلم يتحقق ابصدمه
مــــايوم اشتكيت وكلت بيه اشصار فقط للخاق امــري مودعه ومسلمه
رد مع اقتباس
