دارميات منوعه بقلمي

**اسد ذي قار** · 16-06-2009

ينطر دليلي عليك من تبتعد يوم
وعيوني من فركاك ماتعرف النوم

بس عتب عندي وياك لظني زعلان
كاضيه ليلك نوم وابقى انه سهران

صدكني ماهميت بهمومي مرة
بس همك انت وياي كل لحضه اذكرة

لو عني بعدت ناس ماهم للفراك
بس انت لو بعديت كل لحضه اشتاك

شكثر تدري اهواك وشكد احبك
بكثر الخلق بالكون خالقه ربك

كل ماتجي على البال دمعاتي سيل
هو هذا يالمحبوب عشك المخابيل

**فدك** · 17-06-2009

دارميات رائعة للغاية موسيقاها الهادئة حولت الصفحة لحديقة تبهج النفس
بإلوان إزهارها ورونق مروجها.
حتماً ذي قار كانت ولازالت مناراً شامخاً للشعر عامة وللشعر الشعبي خاصة ،
وماقرأناه من قلم أسدها يؤكد ذلك.
بوركت أخي الفاضل وبورك قلمك المبدع .

**اسد ذي قار** · 17-06-2009

المشاركة الأصلية كتبت بواسطة فدك

دارميات رائعة للغاية موسيقاها الهادئة حولت الصفحة لحديقة تبهج النفس
بإلوان إزهارها ورونق مروجها.
حتماً ذي قار كانت ولازالت مناراً شامخاً للشعر عامة وللشعر الشعبي خاصة ،
وماقرأناه من قلم أسدها يؤكد ذلك.
بوركت أخي الفاضل وبورك قلمك المبدع .

اشكرك اختي فدك على المرور الرائع على ابياتي المتواضع واشكرك على الكلام الي يحمل كل كلمله صورة شعريه معبرة مع اجمل تحياتي