يالله كَوم اهمس باذاني
مااريدن بعد اتاني
وخلني اذوب وياك حدﮔـطع النفس
ورايد اسمع كلمه منك
وبتسم شوفني سنك
اليوم لازم نقرع بحبنه الجرس
ﮔـلي من كل ﮔـلبي أحبـﭻ
كــول اذوب عليــﭻ اودﭺ
يالله سمعني كلام واعلن طبول وعرس
اليوم أريدن انسه همي
وانسه كله اليوم غمي
ومن عطورك اتــــــرس الريه ترس
وما أريد اسمع كلام
مسولفه الغيري امس
ولاﮔـبـل اول امـــــس
ارد القـنـنــك على الشفـه درس
والمس بكيفك حبيبي
وماكوا ممنوع المس
اليوم اريدن اذبح باأيدي الحرس
اليوم أريد اشتم عطورك
ومن عذب شفتي فطورك
ورايد اكبس شفتي بشفافك كبس
نسهـــــر الليل على طوله
شـﮕـد حـﭽـي بحبك أﮔـوله
أكَطع كَلوب المسيه لوجفن عيني نعس
انه مشتاقه يغالي
اسهر ويك الليالي
وع شفايف احبس انفاسي حبس
انه احس بيك ويه ريتي
اﮔـضي بحظانك مسيتي
انه احس بنبض ﮔـلبك انته هم بيه تحس
بقلمي الشيخ ابوحيدر الشويلي