ترد يمه

[هاشم نجم]

انا وياك وزماني من على من
وصفن فوكي اهمومك من على من
كبل ما اطيح مدري من على من
دكله طاح بالك ترد يمه
ولو عطشان احذر ترد يمه
وصل بس صاحت امه ترد يمه
وحرت ما ادري من يريد من
عطشوا بس تمادوا من يريد من
انا وكليبي نتسائل من يريد من
وطلع محد توانه حبسي وانا
ورجعنا اثنين نساءل حبسي وانا
الى متى نظل نحبكم حبسي وانا
وسوالنا مرض واعصاب وانتوا منتو يمنه
اشما نساءل نكلكم منتو يمنه
جاوبتوا ابروده منتو يمنه
اشيمكم مدري يمكم لا بعيدين
ولا بالصدفه اجيتوا لا بعيدين
راءيتواابعد واحد لا بعدين
بعد الروح عنكم هو اهم شي
وبالك لا تذل هو اهم شي
ولا تعتقد لحظه هو وهم شي
لا مو وهم هذا هو حقيقه
وبالك لا تظل بغير الحقيقه
وبعد الثاني عنكم بالحقيقه
هدف حبكم تغير مدري ماله
اشما تمشي اجدامي مدري ماله
وماله كلب البيه مدري ماله
واذا كلتولي مالي ما هو مالي
دهاكم شوفوا حبي ماهو مالي
طلع مالي وحلالي ماهو مالي
وصرت حتى اني يمكن مو اليه





تحيات

هاشم نجم

[ام فيصل]

مشكور ياهاشم على هذا الزهيري الرائع
عاشت ايدك عزيزي
ولاحرمنا مدادك
تحياتي لك

[عاشق عيونك]

الله حبيبي منور
يسلموووو ع الكلام الرائع




تحياتي

[حيدر اللامي]

صح السانك واعاشت ايدك تقبل مروري اخي الفاضل

[هاشم نجم]

مشكوره اختي ام فيصل
على المرور والرد
تقبلي تحياتي

[هاشم نجم]

حبيبي عاشق عيونك
شكرا على المرور والرد
تقبل خالص الود والاحترام

[هاشم نجم]

حبيبي مغترب اوسلو
شكرا على المرور والرد
لك كل الود والاحترام ودمت بحفظ الباري