زهيريااااات ....أدكـَ بالعظم .....

**عراقي أصيل** · 27-12-2006

أنة أدري ياهو الذي سم بكلامك داس
بس آنة عندي كَلب حافي أعلة جمرك داس
مضحي بخسارة عمر بس منك أربح داس
وخلصت عمري صبر وياك أنة عليت
وتدري بصدودك علي هذا الكَلب عليت
بحلامي أساسك قوي وفوكَاه قصر عليت
بس للأسف بالصحو طابوكَة وحدة وداس
***********************************
بالطيف أجاني أمس كَمت وكَلت هل هل
فزيت راح الحلم دم ناظري هل هل
حلف وأنشد هلي بعدك أنة هل هل
حبيت لو عاشرت لو شفت أنة راحات
ومو راحة وسط الكَلب وسط الكَلب رحات
ميت أخو شامتي لمن سمع راحت
كَام أعلة حيلة ووكَف بنص العزة وهلهل
**********************************
يا كَلبي جم دوب منهم أضل ساحلك
وبخلكَي تلعب لعب والضن صفة ساحة ألك
وهالجفن وية السهر دم ودمع ساح ألك
وأطعني بيدك طعن لا أتظن أكَولن هوة
وحمل دليلي ذنب جيه لنة حب وهوة
جيتك سفينة أبحر تعبني روج وهوة
ولمن وصلت الجرف نار أنكَلب ساحلك
************************************
طيبك وية اليستحق بالك تضع حد ألة
وسرك أبير أدفنة لا تأتمن حد ألة
والوكت لو لاوعك سل سيفك وحدة ألة
عالراس أطبرة طبر لا تطعنة بظهرة
وأشعندك من الصبر وكت العسر ظهرة
وراويه هذا العدو نجمة بوكت ظهرة
وعدل أسلوبك ترة ما تنفعك حادلة
*****************************
أنتخيت آنة بعلي وبجاهة عند الخلق
يخلصني من شدتي وبروحي ماضل خلكَ
آنة الجديد الجنت يا حيف هسة خلكَ
الله اليجازي السبب والمشة وياي بردة
نومني عودي أكسرة وسيفة بضلوعي بردة
آنة الي طبعي ثلج حتى الجمر أبردة
تاليها نار أصبحت تدفة بية الخلكَ
***********************************
كل الشرايع ألج مفتوحة يلا أوردي
ولو جان كفيج أسكَيج من أوردي
ما بيج بايع وطن ولا بيج خان وردي
بغداد أهلج زلم كلهم شهامة وجود
عالجرح دوسي أنهضي للدنيا أثبتي وجود
منهل حضارة يشع أسمج على الوجود
وجناس شعبج غدت بستان من أوردي
*********************************
شيبني ضيم الوكت وأنة البعد بيه شاب
والكَلب كَبل الشعر ضاكَ الهموم وشاب
أنة الكَضيت العمر شمعة بدربهم شاب
لمن طفيت أنكروا حبي وصقو شمات
بدموعي أساكَي أشذبل منهم عدل وشمات
ظنيته يطلع ورد وربح ولو شمات
ثاري الخابط يضل خابط ما ينفع شب
*********************************

الشب هو مادة يستخدمها العرب في تنقية المياه

تحياتي

فارس الليل العراقي

**رفيع التهذيب** · 28-12-2006

جميل ورائع ماتكتب يا فارس انتة مبدع بكلمأنة أدري ياهو الذي سم بكلامك داس
بس آنة عندي كَلب حافي أعلة جمرك داس
مضحي بخسارة عمر بس منك أربح داس
وخلصت عمري صبر وياك أنة عليت
وتدري بصدودك علي هذا الكَلب عليت
بحلامي أساسك قوي وفوكَاه قصر عليت
بس للأسف بالصحو طابوكَة وحدة وداس
اتك اتمنى لك النجاح والموفقية في حياتك

اخوك رفيع التهذيب