آخر مهدة (بقلمي )

[علي الغنيمه]

لشوكت نركض يصاحب ؟

والجدم بعده ابمجانه

خطوه وحده ماتعده ؟؟

جارت اعلينه الليالي

والتشد حزنه الليالي

ترسم ادموعه اعله خده

هالوكت ميزانه مايل

ضاع من جفه العدل

والموزن عينه رمده

ضكنه من الهم أمره

وبتنه بدموع الهظم ..اتسيل عالوجنات !!

وحده باثر وحده

الجرح... مابطل نزيفه..ايزيد فيضه

ومالكه الايد التشده

لشوكت نبقه يصاحب ..؟ جاليتيم الماله احد

يحتمي ابظهره ويسنده

لشوكت نبقه ابملامه اعله المضه ؟ وعالراح ؟

وايام المضن ماي وتبده ؟؟

ياهظيمة مستحانه ؟؟؟

انباعت الكصه ابعركهه !!!

والعمر .. بآخر مهده ......

يافشلته الماعرف يرسم طريقه

وضاع جدمه ابنص جزيره ومايوجده ؟؟

ويافشلته الماعرف طعم السعاده

وتيه احبابه ونسه ايام الموده

ياسوالفنه الغفت بين الشفايف

مثل غفوة سيف ظل جامد ابغمده

ياوكتنه ... اشبيك مركاضك عكس ؟؟؟

ليش اليخونك للسمه العالي تصعده ؟؟؟

ياوكت ؟؟ ويه الوفي وياك تغدر ؟؟؟

واليخونك ؟؟؟ اتمجد ابحظه وتكعده !!!

هوه عمر الضاع ويه احزان ليلك ؟؟

ارد انشدك ؟؟ منهو كلي اللي يرده ؟؟

مثل شمعة ليل مر هذا العمر

ذاب .. وخلص .. بسنين وده

بين بيبان الفشل ضاعت اجدامي

وحرت ؟؟؟؟ ياباب الاكصده ؟؟

سده عمري مثل لبلاب وتشرغد

فوك من جنت انه اظنهم ؟؟

اخوه الي ابساعة الشده

آنه حملت العمر آهات لجل الما وفو

ويه الفي الماخلف عهده

آنه ما أعرف اخون ابصاحبي !!

ولا أنسه فضله .... وبالشدايد .. آنه سده

ياشتل عمري الزرعته ؟؟

لاهو ميت ؟؟ لاهو رايج لليحصده

هذا حدك ...؟؟؟ لو الك حد ياعمر ؟؟؟

صعب جرحك عاليضمده

هذا حدك ؟؟؟؟ لو اسنينك بعد بيهن تنتظر ؟؟

من يوفي وعده ؟؟؟؟

ولشوكت ؟؟ نبقه على البيبان نفتر ؟؟؟

وياوفي النجهب عليه ويفك بابه ومايسده ؟؟؟؟

ياوفي النجهب عليه ؟؟

ويفك بابه ومايسده ؟؟؟

***** بقلمي *****

[سلام الدراجي]

الاخ علي رائع ما سطرت من كلمات رائعه بارائع

[شاعر غرام]

حياك الله يابو حسين
كلمات أكثر من رائعه
أبداع متجدد كما عهدناك
ننتضر كل ما يجود به
قلمك تقبل تحياتي وتقديري
دمت لنا وسلام
الخالدي

[علي الغنيمه]

شكرا لمروركم الراقي احبابي ممنوووووووووووووووووووون

[kinany]

صح السانك يامبدع الله الله قصيده
اكثر من رائعه بارك الله بيك يا بطل
ننتضر الجديد منك يا مبدع

لو بالوفه والطيب نمنح شهادات
جان انته ماجستير بالطيبه والذات

شكرا تقبل مروري

[علي الغنيمه]

صح السانك يامبدع الله الله قصيده
اكثر من رائعه بارك الله بيك يا بطل
ننتضر الجديد منك يا مبدع

لو بالوفه والطيب نمنح شهادات
جان انته ماجستير بالطيبه والذات

شكرا تقبل مروري

شكرا لك اخي الغالي حماك الله وانار دربك تقبل تحياتي وامتناني شكرا لك

[الشيخ ابوحيدر]

الله روعه هذا الابداع سلمت الايادي
لاحرمنا هذه النفس دام
التالق

[علي الغنيمه]

الله روعه هذا الابداع سلمت الايادي
لاحرمنا هذه النفس دام
التالق

تسلملنه ياشيخ عساك باحسن الاحوال يارب وكل رمضان وانته واهلنه بخير ..تحياتي لك اينما كنت شكرا لك