هلال العقيله\\\\\\\\\\\\\\\\\\\

[ابو سجاد الركابي]

السلام عليكم ورحمة الله وبركاته
بمناسبة الافراح الشعبانيه بالولادات الطاهره اهدي اليكم هذه المقطوعه ارجو ان تنال رضاكم
هلال العقيله الليله شع على الناس
حامل صفات امن الولي واسمه عباس
---------------------------------------------
ابكلب العقيله الليله كل هم ينجلي
واتهني بالمولود والدهه علي
تكله يبو الحسنين ياعز كل هلي
ام البنين الليله جابتلي الولي
جابتلي نور اعيوني ورفعة الراس
حامل صفاته امن الولي واسمه عباس
--------------------------------------------
جت لعقيله للبدر تتأمله
والدمعه من فرحتهه عالخد سايله
من صدت لعباس شافت كربله
وعهد الوفه بعيونه شافت حامله
شافت وفائه لخوته بعينه نبراس
حامل صفاته امن الولي واسمه عباس
---------------------------------------------
جابته زينب يم علي ويم الحسين
وجهه مثل وجه البدر من يتم زين
قبلله قالع خيبره جفوفه الثنين
وحسين باسه بالصدر وقبل العين
من شافه كال المجتبى للوفه الساس
حامل صفات امن الولي واسمه عباس
--------------------------------------------
عباس مدرسة الوفه ومضرب امثال
خوه بعد ماكو ابد لمثله تنكال
وشما اجت وادم بعد وراحت اجيال
مثل الكمر ماكواخو وماكو ابطال
الخوه بيه معروفه بسمه تنقاس
حامل صفات امن الولي واسمه عباس
---------------------------------------------
سلامي لكم

[السومري71]

عباس مدرسة الوفه ومضرب امثال
خوه بعد ماكو ابد لمثله تنكال
وشما اجت وادم بعد وراحت اجيال
مثل الكمر ماكواخو وماكو ابطال
الخوه بيه معروفه بسمه تنقاس
حامل صفات امن الولي واسمه عباس
---------------------------------------
نبارك الى سيدي ومولاي صاحب العصر والزمان المهدي المنتظر عجل اللهم فرجه الشريف
والأمة الأسلاميه ذكرى ميلاد بطل كربلاء وساقي العطاشا ابي الفضل العباس سلام الله عليه
اخي ابو سجاد
بوركت يمينك وطيب الله انفاسك
ووفقك لخدمة محمد وآل بيته الطيبين الطاهرين
امنياتي لك بالتوفيق

[ابو سجاد الركابي]

زهير العقابي \\\\\\\شكرا لك ولدعائك الجميل
حشرك الله مواليا لهم
تحياتي اليك

[ابو سجاد الركابي]

الاصيل السومري\\كلماتك الطيبه تدل على ولائك الى العتره الطاهره
وفقك الله

[شاكر الهلالي]

مديح جميل ورائع اخي ابو سجاد

انت مبدع ولك مني احلى تحيه 0

[ام فيصل]

ابكلب العقيله الليله كل هم ينجلي
واتهني بالمولود والدهه علي
تكله يبو الحسنين ياعز كل هلي
ام البنين الليله جابتلي الولي
جابتلي نور اعيوني ورفعة الراس
حامل صفاته امن الولي واسمه



اللهم صل على محمد وآل محمد وعجل فرجهم
والصلاة والسلام على قمر بني هاشم ( السَّقاء ) عليه السلام

طيب الله انفاسك يالركابي
وانالك الله شفاعة محمد وآل محمد
حفظك الله ووفقك لكل خير يالموالي على جميل ماسطرت

ودمت بكل الخير

[ابو سجاد الركابي]

شاكر الهلالي شكرا لك
مرورك اسعدني

[ابو سجاد الركابي]

اللهم صل على محمد وآل محمد وعجل فرجهم
والصلاة والسلام على قمر بني هاشم ( السَّقاء ) عليه السلام
الرائعه\ام فيصل حشرك الله مع ال وجعل الزهراء لك شفيعه يوم الحشر
تحياتي اليك