قصيدة للشاعر مرتضى الازرقي

منك كل هذني
منك كل هذني وما كلت ليش خلص عمره الجذع ما عاتب الفاس
اذا تنداس تنذل حدر الاجدام وتتباهه البيادر يوم تنداس
وانه مثل البيادر شايل الخير تسحكني الجدام وانطي للناس
انه سالفتي مهره ابالك اتغير تكد بصفنتك وتصير وهواس
انا صبيرة صبر والعطش بشفاي
حجو عنهه شكثر بس فنهه تنداس
اذا انته ملك يحتاجلك تاج حديده التاج بس تعله على الراس
وصح التاج عالي وعالي الراس بس هيه الملوك التحكم الناس
اذن بثنينهن هسه انته خسران لو قمه تصير ولو صرت ساس
عن المايحس ماكولن انسان بحساسه البشر وبعقله بنقاس
البشر صخرة يصير بدون وجدان والصخره بشر لو شالت احساس
طعنات الظهر وصبع بالعيون وضحكات الجذب من الورق ساس
حفرت بكصته بير وما طلع ماي ودري الغيرة خوه بكطرة تنقاس
سبع نبلات عنده وادري ذباح اكلك حرمله وتكلي عباس

للشاعر
مرتضى الازرقي




ترقبو شاعركم المبدع مرتضى الازرقي يوم الجمعة المقبل المصادف 2\4\2010 على قناة المسار في برنامج الشعر قضية

[سمير الكرماني]

تسلم اخي على الكلمات والاختيار الجميل
تحياتي

[امير الاحزان:]

بداية موفقة اخي الجوراني معنا

حياك الله وبياك

قصيدة للشاعر مرتضى الزرقي جدا" رائعة

نتمنى لك التواصل الدائم

فائق مودتي وتقديري

[ام فيصل]

وصح التاج عالي وعالي الراس بس هيه الملوك التحكم الناس
اذن بثنينهن هسه انته خسران لو قمه تصير ولو صرت ساس
عن المايحس ماكولن انسان بحساسه البشر وبعقله بنقاس
البشر صخرة يصير بدون وجدان والصخره بشر لو شالت احساس
طعنات الظهر وصبع بالعيون وضحكات الجذب من الورق ساس
حفرت بكصته بير وما طلع ماي ودري الغيرة خوه بكطرة تنقاس
سبع نبلات عنده وادري ذباح اكلك حرمله وتكلي عباس




الله عليك
وعلى هذه الاختيار الأكثر من رائع
مفردات لامست الوجدان
واحساس بالألم غالب الابيات

حيا الله الجوراني ابو حسين
نورت المنتدى بأجمل اطلالة لك وبمشاركة رائعة
دام لنا هذا العطاء
مع تحياتي لك