زهيري بحق اهل البيت عليهم السلام

[عادل المنصوري]

الدامل : حبل يرتبط بالشراع للتحكم باتجاه سير السفينه
شاله : صعود السفينه على الضفة بالعاميه على الكَياش

يادامل لمركبي من دونكم شالها
وياحجر مكة الذي ذنوب البشر شالها

سن اللي لاج الجبد جف الابن شالها ( يشلع اللحم )
وبالغاضرية كَطع زندين ابو فاضل
ميزان هذا الوكت يومٍ الك فاضل
ويطوفك لو صبح مثل الزبَد فاضل

موسوم رمحه بغدر راس السبط شالها (اخترق الرأس)

الله عليك مبدع ياابو العيد

وانا اكول لابو فاضل

الرايه بعد جفك يا كف الها
ومنو يكفي الشدايد ياكفالها ( يا كفو الها )
شلون انسبت زينب يا كفلها
وانته حديت ضعن اهل الحميه

[شاكر الهلالي]

احسنت اخي العزيز عادل

ازهيري رائع ومؤثر حقا

تقبل تحياتي ومروري بموضوعك

جزاك الله خير وجعل في ميزان اعمالك 0

[عادل المنصوري]

كل الشكر والتقدير للسيد ستار ابو علي اخ عزيز
وشرفتني بهاي مشاركتك الرائعة

[عادل المنصوري]

شكراً جزيلاً لهذا التقييم المفرح من الاخ شاكر الهلالي
هذا تشجيع لي للاستمرار بالكتابه والتواصل مع المنتدى

[السومري71]

احسنت وطيب الله انفاسك
اخي العزيز عادل
زهيري رائع بكل شيء
لك ارق التحايا

[عادل المنصوري]

تسلم اخي السومري
والله هاي تشجيعاتكم المعنويه
مثل الوقود الي اللي يحثني على
المسير وتكملة المشوار لك جزيل الشكر والتقدير

[محمود شاكر الهلالي]

والنعم منك ابو العيد على هذه الابوذيه

ويسلم قلمك الراقي