لا تنتظر كلمة احبك

[سومه]

لاتنتظر يزي إكبرت والدينه صارت موش إلك
إو راحت مشاحيف العمر تفتر فلك
عيونك على إدورب العشكـَ
غصن الصبر ظل ما يطكـَ لا تحتركـَ
يلزارع الآمال بسنين الوهم
أثمر ورد مصبوغ بجروح الندم
شليلك ثمر جذاب مابيْ كل طعم
إتاسف على أيام المضت مامش بخت
رديت تمشي إبلا كـَلب
وفراكـَ دنيانه تصب حبك صعب
بيدك مجاذيف الضوه او ثكـَـلت إهمومك من زغر
ماندري دنيانه تظل بس ليل ما بيها فجر..!!
لو طلفح كـَـليبك صبر... لا تــنــتـظر....!!!
إسمع سواليفي إشكثر
جرني النفِس للكـَـاع .. وك مابيّ أجر
بدموعي مَوّت الضوه.. والدينه وحشه إبلا بدر
مو فاضن إعدول الصبر مامش فجر
ومشيت سنطه إبلا حجي
بطل يدلالي البجي
إتعكز على إعود الترف
والليل تدريبه كلف ... ماظن يعف
وضلوعي هزهزها البرد
حسبات تاخذني إو ترد.. كـَضبة عرد
حصلنه من تالي العشكـَ.. كـَضبة عرد
إوظليت أشد بجروح عمري إشكد أشد
إبذاك البــرد
شديت كسر البضلع ومشيت ودموعي تهل
ومشيت متعني الترف طلعولي وضلوعي اتخذف ..!
وشعندك إبتالي الليل نام النجم نام إسهيل
والشوكـَ راح إويه السيل
والخيبه تعصر بالكـَـلب
رديت ماعرف الدرب ... وك ياكـَـلب ..!
غفله الدموع إتموت برموش الجفن
ماندري تالي الشوكـَ .. بس ذله إو حزن
مخنوكـَ ما بيّ أسولف للخكـَ
وأيامي شجرة ضيم مابيها وركـَ
ماي الفرح بسكوت بحلامي مركـَ
رديت بوشالة عمر .. وك ياعمر..
والضحكة ماتت بالصدر..
رديت مهضوم السوالف تترس إسنين العمر
دمع الخواطر هالطفح.. والسهر هدّ م كل كتر
صدمات بدروب الكـَبر
مو طلفح إكـَليبي صبر بعد الهجر لا تنتظر...!

تسلمين اخت ياسمين على هذه القصيده الاكثر من روعه
فقد قرأتها اكثر من مره لما تحمل من تصوير ودقه في التعبير
وقد اخذتني ابياتها الجميله
وتصويرها الرائع الى عالم الخيبه الذي يمر به الشاعر
وخصوصا تلك الابيات التي تنطوي على عمق الماسات التي يمر
بها الشاعر
بيدك مجاذيف الضوه او ثكـَـلت إهمومك من زغر
ماندري دنيانه تظل بس ليل ما بيها فجر..!!
لو طلفح كـَـليبك صبر... لا تــنــتـظر....!!!
إسمع سواليفي إشكثر
جرني النفِس للكـَـاع .. وك مابيّ أجر
بدموعي مَوّت الضوه.. والدينه وحشه إبلا بدر
مو فاضن إعدول الصبر مامش فجر
ومشيت سنطه إبلا حجي
بطل يدلالي البجي
إتعكز على إعود الترف
والليل تدريبه كلف ... ماظن يعف
وضلوعي هزهزها البرد
حسبات تاخذني إو ترد.. كـَضبة عرد
حصلنه من تالي العشكـَ.. كـَضبة عرد
؟؟؟؟؟؟
شحصلنه من تالي العشك غير القهر
او مامش مطر
سكف البنته من العشك بس نكطت خر
لا تنظر يكلبي واعتز بالصبر
اومن صبر تالي الوكت حتما ظفر
وشكرا الك اختي العزيزه ياسمين

[سومه]

اشكرك على المرور وكلك ذوق

[قمـ بغداد ــر]

تعلمنا ان الابداع إقترن بإسم سومه

وعرفنا ان الجمال يحمل توقيع اسمها

كلمات رائعة وإحساس اروع طرزتها اناملك

بإنتظار جديدك

تحياتي

[الاسمراني]

مشــــكوره على الكلمات الرائعه سومه

تسلمين

[سومه]

وتعلمنا ان المرور الجميل والكلام الحلو الي ينور كل المواضيع اقترن باسم عراقيه

الاسمراني شكرا جزيلا على مرورك الجميل

[Mr.YoYo]

عاشت ايدج اختي سومة على الموضوع او القصيدة
تحياتي لكي

[Bint Belady]

كلمات وقفت امامها كثيراً واعدت قرائتها اكثر من مره لجمال ما تحمل من معاني..
تسلم اديج حبيبتي سومه الورده على هذه القصيده الرائعه كروعت كاتبتها..
تقبلي مني خالص التحايا والتقدير