اغنيه لمن التجي الكهرباء
السلام عليكم حبايبي
هلوو حبايبي شوفو هاي الاغنية من تجي المهجومة
اللهم صلي على مــــــــــحمد وال محمد ***** نكولهه بذكر النبي وعن الحسد ومن تجي الوطنية
هله وميــــــــــــــت هله بجيتج يالوطنية ***** نورتــــــــــــــــــــــــي الدنيا كلهه يا احلى هدية
اركضت للـــجنج اوفر احول وانه فرحان ***** والابتسامة عـــــــــــــــــــــلى الاهل مو طبيعية
اشتغلت الثلاجة واجـــــــــــــــهزة التبريد ***** وخطارنه نشنش على بخيــــــــــــــــخ الديوانية
واستقر نظام الــــــــــــــــبيت وقلة افكاره ***** ونكلب من حر البرد حـــــــــــــــــــالته الجوية
والهوسة راحــــــــت وبدت مرحلة جديدة ***** وسكتت ونامـــــــــــــت الاطفال من سوده عليه
اجتي بتلاثة يعنــــــــــــــي بالستة تطفى ***** والله بيهه نومـــــــــــــــــــــــــة معدلة وعراقية
حطيت راسي عالمــــــخدة وتمددت بطولي ***** ونومتـــــــــــــــــــــــــــي مخربطة وعشوائية
يمــــــــــــــــــــــكن ساعة اقل مدري اكثر **** اخ شوهاي انطفت الوطـــــــــــــــــــــــــــــنية
الحكومة علســـــــــــــــــت علينه ساعتين ***** وصار سنين محد مات بالصـــــــــعقة الكهربائية
جا وينه نفطنه ارجعــــــت السالفتي القديمة ***** وين احزابنه وبرامـــــــــــــــــــــجهم الانتخابية
وشبعنه جــــــــــــــــــذب وهمبلة وكلاوات ***** انتخبوني اسويلكم العـــــــــــــــــراق مزهرية
تهنه وتاهت وضــــــــــــــــــــــاعت علينه ***** نلتفت للكهرباء لو نتاني المصــــــالحة الوطنية
رد مع اقتباس
مشاركة: اغنيه لمن التجي الكهرباء
