وكـــــــــت شعيــــــــــــــــــــــط

[محمد عبود العبودي]

حنيت اعلى وكت شعيط
من دارت وجاني معيط
خلبصلي الوشيعه
وضاع راس الخيط
ضاع الخيط
من شفت الجوامع
اذنت للموت
من شفت المنابر
راح منها الصوت
من شفت الردتهم
حوت يبلع حوت
ذكرت شعيط وسفه
ودمعت بسكوت
وين شعيط
لا يكطع وشيعه ولا يخلبص خيط
وين شعيط
وين الجان بجفوفه
اللجام يلوك
جان يبوك
اي بس جان وحده يبوك
صح من راح
خلانه بطرك ناتوك
وصح وكته اعلى اهلنه
سنين ذب فتوك
بس خبزة شرفنه
توفرت بالسوك
وصح ما خله عدنه حلوك
هسه حلوك عدنه
ورايده الهه حلوك
هسه الليل نعسر
والنهار اطلوك
انطر والفجر مبخوت
يفضح صرخة المبيوك
كرهنه نطارة العكروك
وكرهنه جفوف ملت
تركع المفتوك
وحقدنه اعلى الابر والخيط
جيبوا شعيط
تهدا اعصابنه من ايعيط
جيبوا الجان من يخزر
يخوف الحوم
ولو بس يوم
خاطر لا جبان ينشف البلعوم
ولا ظالم يعيث بجثة المظلوم
ولا ولد الحرام
تكدر المحروم
ولا ملح الخيانه
يضمد الملجوم
جيبوا شعيط
مو متنه بزمان معيط
من رحمه اعلى روح شعيط
بقلمي
محمد عبود العبودي
بغداد
10 / 9 / 2009

[سلام الدراجي]

مشكور اخي العبودي رائعه تلك القصيده ذات مغزى جميل ولكن الذي حصل حصل بارك الله بيك ودمت بهذا العطاء والتميز تحياتي

[امير الاحزان:]

ولا ولد الحرام
تكدر المحروم
ولا ملح الخيانه
يضمد الملجوم
جيبوا شعيط
مو متنه بزمان معيط
من رحمه اعلى روح شعيط
.....................................
شكرا" اخوي العبودي لهذا السرد الجميل والمعبر..
(لا يالم الجرح الا من به الالم)
لا تعليق
تحياتي الك
انتظر جديدك

[الوردة الجورية]

مشكور الف شكر والله يعطيك العافية تقبل مروري مع أجمل واطيب التحايا بأنتظار جديدك

[ام علاوي]

شكرا للقصيده معانيها واضحه جدا وطريقة سردها ظريفه
تحياتي ومزيدا من الابداع
ام علاوي

[محمد عبود العبودي]

مشكور اخي العبودي رائعه تلك القصيده ذات مغزى جميل ولكن الذي حصل حصل بارك الله بيك ودمت بهذا العطاء والتميز تحياتي

سلام الدراجي
شكرا لك اخي الغالي
للمرور الطيب والكريم
بارك الله بيك

[حيدر القريشي]

واقع مرير للاسف
شكرا لما خطه قلمك المميز هنا من ابداع
تحياتي وتقديري لك
مع اطيب امنياتي

[ام فيصل]

يـــــــــامحمد
والله لاادري ماذا اكتب وبماذا ارد
فالقصيدة لاتحتاج الى تعليق
ولكن - سأقول

انني مررت من هنا وتهت في هذه السطور والمعاني
اللهم احفظ العراق واهله
والف شكر لك على هذه القصيدة
مع خالص تحياتي