الدنيا جسر قصيده روعه لا تفوتكم

[أنثى شرقية]

حبيت الصليب وقديسته هواي
لأن شال المسيح الما خلص صبره
وقدست الرمح چا شال راس حسين
وما خله الحوافر تسحگ بنحره
وسيف الي طبر هامت علي الكرار
خالي امن الذنب صدگوني بالطبره
ومو ذنب السياط الطگت الحوراء
الذنب چف اليشيل السوط ويأمره
ولا ذنبه يطيح اعله النهر عباس
الذنب گطعو اچفوفه وطاحن بكتره
والبسمار خالي امن الذنب والباب
ويبرن يا خلگ من عصرة الزهره
ومو يوسف زليخه العتدت يا ناس
وقميصه اكبر دليل مشگگ بظهره
مو سحار موسى ولكن امن الااه
ذل فرعون ذاك وزمرته وسحره
وقيصير أجنبي وما شگگ المرسول
ومرسول النبي شگه النذل كسره
النجاشي امن المسيح وينصر الأسلام
وابو سفيان مسلم يرفض ينصره
ومنو مثل الوليد الي كفر بالدين
كتاب الله شگه ويسبح بخمره
يأسفني التشيله چفوفي من الگاع
يفرح جدمي لمن يزلگ بحفره
وعجبني الورد ميشيل گلبه الغيض
وعلى چف اليگطعه يفيض في عطره
ومنو مثل الدلال تضيف الخطار
لجل تكرم الضيف تعانق الجمره
ومو كلمن يسولف بالمضايف شيخ
للحچي المعدل خاصه الشمره
ومو ياهو الي يركب عالمهر خيال
أكو يركب لچن يوگع بلا عثره
ولا تطغه انصحك والعن الشيطان
تره الدنيه جسر كل واحد يعبره

منقوول

[محمد السوداني]

قصيدة رائعة بوركتي اختاه وسلمت اناملك جعلها الله في ميزان اعمالك ...... لك ودي وتقديري

[ام فيصل]

مشكورة عزيزتي
رائعة باختيارك دوما
دام لنا نبض هذا الإحساس الفائض
قصيدة جدا رائعة
تحياتي لك

[الشاعر ماجد الدعمي]

كل يوم تزدادين تألقا وحضورا
ونحن ننتظر ما يجود به قلمك
وذائقتك

[هاشم نجم]

بوركتي اختي احلام
اختيار موفق
جعله الله في ميزان اعمالكي
تحياتي

[أنثى شرقية]

اسعدني مروركم الكريم والراقي
دمتم بالف خير وصحه
ووفقكم الباري
تحياتي لكم

[عاشق عيونك]

تسلمين احلام اختيار رائع

تحياتي

[أنثى شرقية]

شكرا لك على مرورك وتعليقك دمت موفقا والى كل خير