الف تحيه الى سيد المقاومه الاسلاميه سماحة السيد حسن نصر الله دام ظله الوافر وتحيه الى كل المقاومه الاسلاميه المتمثله في حزب الله البطل والف شكر للاخ الطيب ابن الطيبيين العراقي الطيب على مساهمته بذكر هذا السيد ابن الائمه الاطهار سلام الله عليهم واهدي له هذه الكلمات البسيطه تضامنا معه
طفلة
وورده
وكوم حجــــار
وصاروخ ونار ودبابة
ودم
وموت
ونهر دموع
ونصر الله يصلي بمحرابة
والموت مكيف ويغني
فرحان ولملم اصحابة
متشفي بدمنه الماينشف
للدوم مشرعين ابوابة
هاي اليوم الصوره هناك
بلبنان الحلوه الحبابة
هاي الصوره بدمنه انرسمت
ياامتنا
ياقادتنا
ليش الغيره انشالت منكم
شبيكم كل واحد سد بابه ؟!!!!
وياريت ومن هاي وكافي
صرتوا ويه الكفار ذيابة
وكل واحد بيكم سل سيفة
وواحدكم كشـّـر انيابة
كلتوا مغامر!!
وكلتوا تهور !!
وكالوا ماشاور اصحابة
وكالوا مايصمد نص ساعة
واول طلقة يعوف اعتابة
بس السيـــــــــــــــــد
فدوه الطوله ......
نصر الله ومعروف انسابة
هذا ابن حسين المادنك
لاهامه ولارخــّــة اركابة
هذا ابن حسين شورطكم
هذا الدنيا اليوم تهابة
علمنه وعلم كل طاغي
وخله الطاغي يعيد حسابة
نصر الله الماباع الغيرة
ولاسلّــم ارضة ولاتربة
نصر الله وحزبك ماينذل
هيهات يثلمون حرابة
الله يحفظك
الله ينصرك
بجاه الماسد يوم ابوابة
منصور وعزمك من حيدر
هاي افعالة وهاي انسابة
ونسالكم الدعاء اخوكم
د.حسين الكندي
07/08/2007