عسى المحبوب له عوده قريبه <HR style="COLOR: #ffffff" SIZE=1><!-- / icon and title --><!-- stamps hack -->
<!-- / stamps hack --><!-- message -->حبيبي غاب ولادري كيف حـــــاله = وقاطعني وقاطــــع في وصــاله
وبعض الناس تسكــر من زبيبــه =((عسى المحبوب له عـوده قريبة))
***
بالي دووم يـــتذكر خـــــياله = عساني دووم باقي وســــط باله
دموع العــــين بفــراقه سكيبة =((عسى المحبوب له عـوده قريبة))
***
اِله الكون أبدع في جماله = وفي حُسنة وفي رقة دلاله
سعيد الحظ من يصبح حبيبه =((عسى المحبوب له عـوده قريبة))
***
يعجبني ومعجب في خصــاله = ولانرضى نبدل حــد بداله
وقصه حبنا قصه غريبه =((عسى المحبوب له عـوده قريبة))
***
انا ما شفت مثله في كماله= شبيه البدر ذي شارق هلاله
اذا قلبي شكى وحده طبيبه=((عسى المحبوب له عـوده قريبة))
***
وصوف الحسن قد صارت حلاله= يغار الزين مــــــــــنه لا بداله
حبيب القلب له طلعه مهيبه =((عسى المحبوب له عـوده قريبة))
***
حياتي ومابقى منهـا فــداله = وراس المال عـده راس ماله
ذي في البنك واللي في الحقيبه=((عسى المحبوب له عـوده قريبة))
***
عسى الرحمن ذي جل جلاله =يصونه من عيال أهل الجهاله
ومن عاداه له اكبر مصيبة =((عسى المحبوب له عـوده قريبة))
***
والختم صلوا على مولى الرسالة= شفيع الخلق واِمام العدالة
وذكره يسعد النفس الكئيبه((عسى المحبوب له عـوده قريبة))
***
وعا صحابه وعا باقي السلالة = نجوم الحق اصحاب الجمالة
لهم افضال عالدنيا عجيبة=((عسى المحبوب له عـوده قريبة))
***