expire date ( اكس باير ديت ) خالص من زمان
طلع حبك منتهي مفعوله
منتهي اخلاصك وماعندك حنان
والغدر بهواك صاير سوله
خلص مفعولك بعد ما كلشي بان
خاين ومابيك بس ها للوله
مغلف وثاريك مالك كل امان
بهذلت كلبي العبت بيه جوله
خلصّت حچيي وبعد جريت اذآن
وياحچي اسمعلك تريد اتگوله
غاشني دومك ويا حلو اللسان
والوعد منك ابد ما انوله.....
اكسباير ديت مفعوله خلص
حبك يسمم طلع تاليته
انگضى مفعوله ولا ينفع فحص
أبين كل الناس شايع صيته
صار حفنه سنين بگليبي يگص
ونار هجرك للگلب كاويته
ذيب تاليتك تدورلك فرص
المد الك ايده بغدر عضيته
اكسباير ديت يالسوگك رخص
ياهو يشري المنتهي اصلاحيته ؟؟؟
عباس الفرطوسي