اعرك هموم

[مسره]

ادريبك سهرت سنين منك طاير النوم
ودريبك عليك مجلجله الكوم
ودريبك عدل متموت لجن عليك هموم فوك هموم
ودريبك صمت دهرك فطرت بزاد علكم محشي بسموم
ودري بيك من راسك لرجليك مليان بحزن وبأخ مكتوم
ودريبك عسل مثلك ماكو بلكون لجن عودك ذبل من شلة بعضنه الدمهه معدوم
ودري بعيونك عطش صبير لان يسجب دمعهن دوم كل يوم
تحملت الاذيه وجور الاعوام وجروحك دموم تنكطع هدوم
ودري بك غصب حاضنتك النار تضل ضيف تسعر بيهه معزوم
ولون تكضي الدموع ارخصلك دماي وقدملك هديه وعطر النسوم
ولون تنجاس اجيسك واشتم البيك ونسيك الليالي السود والشوم
وصيرلك جسر ممدود معبر عشك واشواكي العليك تحوم
ياكطرة النده وعطر الرياحين ياصوغة الدنيه وبحر بيك نعوم
يااول واخر عشك للناس يحروف البواجي التمطر غيوم
اذا انت ضكت مر المحن والهم والجروح تراني غارك بنصهن يمضلوم
وذا انت حي بهمك تلوج تره اني ميت واعرك هموم
بقلمي

[محمد السوداني]

[quote=مسره;358857
[SIZE=5]ولون تكضي الدموع ارخصلك دماي وقدملك هديه وعطر النسوم[/SIZE]
ولون تنجاس اجيسك واشتم البيك ونسيك الليالي السود والشوم
وصيرلك جسر ممدود معبر عشك واشواكي العليك تحوم
ياكطرة النده وعطر الرياحين ياصوغة الدنيه وبحر بيك نعوم
يااول واخر عشك للناس يحروف البواجي التمطر غيوم
اذا انت ضكت مر المحن والهم والجروح تراني غارك بنصهن يمضلوم
وذا انت حي بهمك تلوج تره اني ميت واعرك هموم
بقلمي

الله على هذه الاحاسيس الدافئه
التي تغفو مبتسمتا على كل كلمه
سلمت لنا اناملك ودامت لنا رقة قلمك
تحياتي لك اختي مسره
اخوك محمد

[مسره]

اشكرك اخويه محمد هذا من ذوقك الرفيع تحياتي..............

الله على هاذا الكلام والحساس الراقي وانشاء الله من الاحسن للاحسن نتضر الاكثر منك

[العراقي الاصيل]

الله كلام جميل جدا تحياتي ولا تحرمنه من جديدك

[مسره]

اشكركم جميعا اخواني شرفتوني تحياتي

[ابو علي الصكر]

هذه الكلمات ما تلوك بس للعراق العظيم 00
اختي مسره ارجو ان تعنونين هذه القصيده للجرح الكبير 00لابونه المات ومحد شيعه 000
اه ياعراق شلون بيك بهاي الهموم000
ارجو المعذره لتطفلي على موضوعك الرائع000
تقبلي مني كل الود
اخوك الصكر

[زينه]

حبيبتي مسوره يسلم ذوقك على هاي الكلمات الحلوووووه
وننتظر المزيد حبي
تقبلي مروري