وصل حبي ( للشاعر المبدع عبدالحسين الحلفي )

[عتابي]

وصل حبي الك حد ماهو معقول
بحيث اوياي انته وانه مشتاك
تشابكني وتشابكني واشاقيك
واصيح الله واكبر بسك افراك
ملك امشي ويه طولي وانته وياي
ومن تبعد ادنك واخذ الراك
وبس انته عليك اتشخص الناس
من كد ماحلو من ابعيد تنباك
وصاير بوك بالحب هاي الايام
لذلك ما اعوفك خاف تنباك
واذا سامح الله بيوم باكوك
وداعا يابخت مرحبا يبجاي
كبل لا اشوفك انه اتولعت بيك
وكبل لا نلتكي سميتك اهواي
مافك باب بيتي اشما يدكون
وافكلك باب بيتي وانته ما جاي
وجيت وعركة صارت بين العيون
عليك اعيوني هاي اتصد كبل هاي
اذا غثيتني ايصير الصبح ليل
واذا تضحكلي يشرد ليل دنياي
من اتروح اصوم ويبدي رمضان
من ترجع اهلهل واشرب الماي

[نجوي]

من اتروح اصوم ويبدي رمضان
من ترجع اهلهل واشرب الماي
الله الله ع هذه الکلمات اکثر من الروعه
تحیتی

[عتابي]

نورتي القصيدة اختنا الفاضلة ..
دمت بحفظ الرحمن .

[ابو سجاد العتابي]

الله الله عليك وتسلم على هذا العمل الجميل
تحياتي لك
اخوك ابو سجاد العتابي
امريكا

[السومري71]

قصيدة مميزه لشاعر مبدع وكبير
العتابي
شكرا على جميل انتقائك
ننتظر جديدك
كن بخير

[طيبة النجف]

صح السان الشاعر المتميز
عبد الحسين الحلفي
ويسلم ذوقك اخي الغالي
دمت متالقا ومبدعا في ربوع الفرات
تقبلي مروري وتحياتي الخالصة لسموك الكريم
اختك طيووووووووووووبة

[ام علاوي]

وهل هناك ابداع اكثر من ابداع الحلفي؟؟
سياب البصره ومتنبي الشعر الشعبي
شكرا لهذا الاختيار الراقي
دمت والالق رفيقك اخي العتابي
لك مني اجمل تحيه

[عتابي]

شكرا لكم اخوة واخوات للمرور الذي عطر المتصفح ..
تقبلوا مني ارق التحايا ..