مكلبك صفحه صفحه وممتحن بيك

مكلبك صفحة صفحة وممتحن بيك
واني مغمض اخذ بيك ميه

أريدك مرة وحدة تصير حساس
وتفهم هالمثل يل خنت بيه

النخل يوكف بوجهه الشمس مرتاح
لان يكسر على الفلاح فيه

وانت سنيني كلهن ضاعن وياك
وانه بقاموسك مسجل ضحية

شفت رمح الزمن ما لاحني وفات
وكفت الرمح دليته بيه

هويتك اني بس تعيفني تضيع
لان كلشي يضيع بلا هوية

النهر باكه نهر جي حاضن الماي
ويسمه جرف لو عافه ميه

عشرتي وياك لاتنكرهه يفلان
والايام الكضيناهن سويه

تره العشرة عصا لتصير فرعون
بس تنكر عليك تصير حيه

ما أطخ راسي الك لو تنكلب سيف
وتضل تذبحني كل صبح ومسيه

علمني الجرح حكمة اكبرت وياي
واحسهه اطبقت فعلا عليه

ما اوكع اذا دفعوني عدوان
بس اوكع اذا دفعتني اديه
راق لي

[الشايب العراقي]

جًِْزٍُآكَ آللهٍَ خٌِيَرٌٍ
مًشًِْآرٌٍكَة حلًُوِهًَ

[كبريــاء رجـل]

اااالله عليكـ اخوي لورنس روعه ياغالي قصيده جميله تحياتي الكـ حبي

[سامي المشكور]

حلوووووووووووووووووووو
كلام جدا حلووووووووووووو
رائع في الاختيـــــــــــــــــــار
لك تقديري وامتنانـــــــــــــــي

الله عليك صح لسان قائلها وعاشت ايد

ناقلها كلمات تستحق التصفيق تحياتي

لك و ماراق لك راق لي مع كل الود

[نظرات تؤرقني]

احسنت حبيبي الغالي ايليا الوردة
انتقاء روعة
ولانك روعة
تحياتي الك

[رنا العراقية]

احسنت ايها الغانمي
انتقاء رائع
سلمت الايادي
تحياتي

اااالله عليكـ اخوي لورنس روعه ياغالي قصيده جميله تحياتي الكـ حبي

الاخ الغالي كبرياء
شكرآ لمروك الجميل
تحياتي يا طيب