حوار بين الأبن وابوه وامه - الغربه

[ذيب الغزالية]

السلام عليكم

شلونكم شباب وبنات

هذا موضوع رد على الأخت الفتاة المرحه (( مرح )) عن موضوعها عن الام

الأبن في الغربه والام والاب في غربه ثانيه

دق الهاتف ورفعت الام التلفون

الأبن : الوووو الووووووو

الأم : الوووو يمه

الأبن : يمه أبنج يا يمه تسمعيني صار اسبوع ما غمضت عين النار بقلبي تلهب من الفراق واخلص الليل بس اني وحزني

الأم : يمه ابني الولد يا قرة العين يا بني الساعه بعدك جنها سنتين اشلونك يابني كلي شوكت تشتاق السفر طول يايمه وطال الفراق

الأبن : يا يمه الليل من بعدج ولا ليل وكل حسبه تمرني تهدم الحيل الصبر ماظل صبر والعمر خلصان وحياتي ويه الصبر صارت تواسيل

الأم : يمه من كبرت عودك تعباني الضيم وانحل الوكت وارتجت اعظامي اللي يربي عمر مو سهله من ينطيه المن هالتعبته وضاعت ايامي قبل يوميه اشوفك واحس انا اشتاقلك وهســــــــه شحال قلبي لرحمة احلامي

الأبن : همزين بحلم تشوفيني وترتاحين اني سجدت للحلم وتوسلت بيه بخيل الحلم يمه وما اشوفج بيه والفركه غميج صوابها ويقتل اتذكر ادموعج وابجي وحدي اهنا يلفني الوكت لف ومن يجيني الليل اتغطه بهمومي ونومتي تعلعل

الأم : الولد يبني الولد يا هيبتي وستري ذبني الوكت يمه وانكسر ظهري يا بعد العمر فدوة لك كل عمري اريدك يمي يا يمه بعازتي اتكوم يمرني الليل واتحسر على النوم شيغمض العين وانت بعيد عني ؟

الأبن : ياهو ارتاح بالغربه وصفه باله ؟ وياهو المابجه والعين هماله ؟ وياهو صور اهله اتراواله

الأم : يمه ما غبت كل لحظه نذكرك وتبجيك الدموع بدون ما ندري اعاين صورتك وابجي واسلم عليك واحس العبره يمه امكسره بصدري واشم ريحه قميصك واحبس بقهري واشوف اصدقائك من يمشوون ماظل صبر يمه خلصت صبري تعــــــــــــــــــال اني اريد اشوفك كلشي ابد ما اريد بس شوفت عيونك تسوه كل عمري

الأبن : اني الكضيت عمري ابين الاحزان وابد ما شفت راحه بكل حياتي طريقي بعيد وامشي بلا عنوان وضاعن بالسفر كل ذكرياتي ندمان على عمري هواي ندمان وتهزني دموع كل وحده بخواتي شكد شفت بحياتي ناس بس ما شفت وحده بطيبة امي يمه ويا حسرتي من يجي الليل اتمنه بحضنكم تغفه روحي تجون كبالي كلكم من يجي الليل واحتار شأعاين من جروحي

أنقطع خط الوصل واحتارت الروح المن بعد أشكي همي لا بيا صبر لا احمل هموم لميت المصايب كلها يمي يوكت انصفني مرة شبيك وياي هيا مرة خليني احجي ويا امي

هسه ويه الأب :

الأبن : الوووووووو الوووووووو

الأب : الووووو بويــــــــــــه

الأبن : يا بويه الحمد لأالله واحجي وياك صار سنين صوتك ما سمعته شلونك يا بعد روحي شلونك يا بويه على الصبر اللي صبرته

الأب : شلوني انا اللي بيا نزلت المصايب نزلت ارداح انحنه ظهري يا بويه بدونك انته ربيتك جرح من عمري ضنيت تعوضني التعب ذاك التعبته شحجيلك يا بويه اشسوه الفراق بغيابك جبل من هم حملته

لا يازمن قصرت لا يا زمن لك عذبتني يا زمن وهواي بيه قسيت شتريد مني بعد هو شبقه بالعمر كلشي انت ما خليت لا يازمن لشوكت تبقه وياي بحرب

الأبن : بويـــــــه ما نسيتك انا والله بعدهن دموع عينك يمي تذكار جمر هذا القلب ماظل بيه صبر وانا لخاطر عيوني احمل النار مو قصدي الفراق ولا اني اهواه بس شفت الوكت بيكم اندار تحملت الغرب بس كون اوافيك والله ندمان بويه على الجرى وصار

الأب : شفت الغربه بويه وحالك شلون ؟ الغريب شماتعب ما يلكه راحه انا اللي ردتك يا بويه بساعت العوز الوكت هسه طبعه الوكاحه شتــــــــــــان الليالي للأحبهم صدك شتــــــــان لا يا الولد شتان تعال انت بغربتك بعد شتــــــــــــــان تعال يابني اني الوكت دك بيا

الأبن : بويـــــــه الغربه ذله واني ذليت وحسيت الغرب ما لايك وياي الف موته اني اموت وانتهي يمكم اتذكر مشيتك ولمة البيت ويهزني الحلم جنك بالصدك جاي وعالخد نار بويه تجري مو ماي ما اظل الكه مثلك اني بهيبة اعقالك اروح فدوة

الأب : بجيني دمع ما ينزل من العين خلي لفرقتك دم يجري اشتاقلك دمعه بكد حنين الروح صفه عمري دمع ولك وشلت عمري ردتك تجوه لي يوم اللي يذبني الضيم طحت هسه انا بعدك وانكسر ظهري

الأبن : شمدريني الوكت ما ينصف وياي لو ادري اعتقد ما فارقتكم أشتريت الغربه بس صدكوني والله بعت الدنيه كلها وما بعتكم بويـــــــــــه شلونكم والله اني مشتاك اتمنه اني يمكم هسه غافي رصيف الغربه متعب ونومته شلون اذا مو ام تنيمك بالعوافي وعلى جمر القهر كمت امشي حافي

الأب : ها بويه شفت نار المسافات ؟ وشفت الغربه هسه وحالك اشلون يا ابني الغربه موت ويحتاج الغريب لدمعت عيونه تعال وشوف بيتك والحياطين على كل ذكرى منك اهلك يبجون واخوانك لو خواتك يا الولد من يشوفون اصدقائك يمشون يصير البيت دمعه ويشتعل نار وكبل لا تبجي امك هم يبجون

موضوع كتبته بيدي من مكان سمعته ومتعوب عليه وهو رد على الاخت مرح

تقبلوا تحيااتي ... الغريب

أخوكم : عمر الحجار أبو الفاروق

[بنت عمر]

الله الله الله الله الله ما هذا الابداع الله يصبر كل مغترب
اخي ابو الفاروق موضوع جميل جدا والله دمعت عيوني الله عليك والله مبدع
بس شنكول الله على الظالم
حبيبي يا عراق باهلك انت باقي احس كل جزء مني يناديني عراقي اريد امسح جروحك وبروحي افتديك واعبرلك الدنيا واسجد بين ايديك عمري يا عراق ما يغلى عليك
اخويه عمر انته كلش قريب على العراق يعني الاردن شمرة عصا مرات لمن كنت اروح للزرقاء اشوف مكتوب الحدود العراقيه بعد ... كم والله امووووت من البجي اكله لبابا اعوج منانه وهسه تدري اني بآآآآآآآآآآآآآخر الدنيا والله عذاب بس الله يصبرنا ويصبرك ويصبرج يامرح
اكرر شكري لك اخي العزيز
تحياااااااتي بنتك ياعراق ايه العمري

[ذيب الغزالية]

الله الله الله الله الله ما هذا الابداع الله يصبر كل مغترب

اخي ابو الفاروق موضوع جميل جدا والله دمعت عيوني الله عليك والله مبدع
بس شنكول الله على الظالم
حبيبي يا عراق باهلك انت باقي احس كل جزء مني يناديني عراقي اريد امسح جروحك وبروحي افتديك واعبرلك الدنيا واسجد بين ايديك عمري يا عراق ما يغلى عليك
اخويه عمر انته كلش قريب على العراق يعني الاردن شمرة عصا مرات لمن كنت اروح للزرقاء اشوف مكتوب الحدود العراقيه بعد ... كم والله امووووت من البجي اكله لبابا اعوج منانه وهسه تدري اني بآآآآآآآآآآآآآخر الدنيا والله عذاب بس الله يصبرنا ويصبرك ويصبرج يامرح
اكرر شكري لك اخي العزيز

تحياااااااتي بنتك ياعراق ايه العمري

أشكرج خيتي على ردج الرائع

والله عاشت ايدج

وبالنسبه للقرب

والله يا خيتي متصدكين اذا اكولج لو بيدي هسه اروح وبهاي اللحظه بس العتب على الشغل والدراسه

والتهديــــــــــد

بس مثل مكلتي الله على الظالم وان شاء الله كلنا نلتقي ويه الاهل ابغداد

وعيني بارده على كل واحد كاعد يم احد من اهله على الاقل مو مثلنه هو والحايط لا أب ولا أم ولا أخوان ولا خوات


تقبلي تحيااتي أختي العزيزة

أخوج : عمر الحجار أبو الفاروق

[بنت عمر]

اذا هيج اكمز للعراق وبس ترجع جيبلنا حفنة تراب وبعلاكه هواء
او لا احسنلك بطياره اذا انته قريب من مطار الملكه علياء مادامك تعرف تطير اخذلك وحده ورجعها بعدين واذا سألوك الشرطه قللهم على حساب ايه ههههههههه
او اذا ما تقدر روح لمطعم الانباراحسن واكل عمبه وتذكرني هههههههه
اليوم ناوين تبجونا يعني دخلونا ساكتين حرام يعني يمضي يوم ومما نبجي على اهلنا اللي بالعراق يلا الله كريم
نرجع يا وطن كلنا حظنك دافي ويلمنا ان شاء الله نرجع
يلا ولو اني الموضوع عجبني وحبيت اناقشه هوااااااايه بس لازم اقوم من على الحاسبه اخويه (عراقي وبس ) شسوي اجه يريد يقعد شسوي يعني شوفو يعني اني عندي مشكلتين وحده اني مغتربه والثانيه بس يعجبني موضوع واريد اناقش بيه اكوم من الحاسبه يبوووووووووووو
خلي اروح انام وباجر بس اقعد نكمل السوالف يلا تصبحون على خير اخواني
تحياااااااااااااتي ايه العمري

[ذيب الغزالية]

ههههههههههه

وانتي من اهله خيتي

وكل شغلاتج بسيطه بس شيوصلها للسويد هيه هاي البلوة

تقلبي تحيااتي

أخوج : عمر الحجار أبو الفاروق

[بنت عمر]

بطياره من ورق اوحمامه بس قللها لآيه وهيه تجي ههههههههههه اني رجعت بس راح اظل 5 دقايق لأن عراقي وبس راح يذب الزبل ان شاء الله يطول

[ليالي العراق]

مشكور اخي العزيز على الموضوع الجميل
والله اني كاعدة بوسط اهلي واحس بالغرابة ليش ما ادري
ان شالله يرجع كل غريب لبلدة وينلم شمل كل العراقيين يا رب


عيوني ايو اذا راح يذب الزبل كومي سدي الباب وراه حتى ميفوت هههههههههههههههههههههههههههههههه
مشكور مرة ثانية اخوية
تحياتي

[ذيب الغزالية]

أشكرج خيتي حنين على ردج الطيب

تقبلي تحيااتي

أخوج : عمر الحجار أبو الفاروق