جريتك نفس نام بكرار الروح

[مرام سامي]

اجيت انت نسايم ..هلهل الها الصيف
وبحلاة النوم فز كلبي ...يدك دكة جناجل يابحر حبي

ياشط العشك يلمارجد مده
طفح شوكي يبو الشامات وتعده

هاك روحي
وخلني اتمرجح بالكصايب
خلني افكهن عكده عكده

يانسمة بنفسج اعلى الروح
جريتك نفس بكرار الروح

تنشدني ...... عزيز انه
عزيز انت
يافرح المضايف من يمرها الضيف
عزيز انت ....يعندي بعز هلال العيد

ياحسرة دليلي ولوعتي العندي
وياسهر الليالي ويادفو التنهيد

ينحله اشما تعذبني
العسل ريعك وانه الجاني

ما انتقيته لكم

تحياتي وسلامي

[السومري71]

المميزه مرام
قصيدة عذبه في المعنى ورقيقه بالمفرده
شكرا لهذا الانتقاء
لكِ ارق التحايا

[محمود شاكر الهلالي]

أحسنتي اختي العزيزه مرام

قصيده رائعه واختيار جميل

تحياتي لك وتقبلي مروري

[مرام سامي]

شكرا لمرورك ايها الامير سامر
ولك مني اجمل وارق سلام

[مرام سامي]

هذا من ذوقك ايها السومري شكرا على مرورك ايها الاخ
ولك اجمل تحية وسلام

[هدار سامي شياع المنصوري]

امك ماتعزك مثلي والعباس
ومن كد مااحبك روحي نحلانه
تدري اشكد احبك وانته ماحسيت
اعز من عندي انت وحته من انه
تقبلي مروري
وزتي ابداعاًً واعجاباً
مرام ذات الذوق الراقي الرفيع
والثقافه والادب الصريع
تحياتي
لك

[مرام سامي]

مشكور اخ هدار على هذا الرد الرائع بشعرك الجميل وكلماتك التي اعتز بها لانها من شاعر بغاية الروعة
ولك مني اجمل وارق سلام
تحياتي وسلامي