انه وانت ..
واطول من الليل صفنات التمرني
وانه وانت ..
وفرحه مبيوكه من اديه
بيوم جنت احلم تمرني !
انه وانت ..
وليش تاخذني بدرب
مابيه رجعه ؟
انه وانت ..
وصوتك ايصيح اباب كلبي
وكون اسمعه .
وانه وانت ..
ومن شفتلك عالبعد دمعات طاحن
صارت وسادة ليلي دمعه !
وانه وانت ..
يمرني موت بيوم تبعد
وياغيابك صار موتي وما اجرعه
وانه وانت ..
وبكل درب اظلم اشوفك
تضوي شمعه !
وانه وانت ..
وضحكتك جنه شكبرهه
والكلام الجاي منك طعمه كوثر
كون اتبعه !
والانين المر عليك ..يمر علي
وبكبر صحراء روحي شلون اجمعه ؟
والي لسعاته شكثرهن
ماتهمه اجماله لسعه !
وترس اذنك هاك شعري
وانت بكيفك حبيبي
اتريد اسمعه شيكول ؟
تريد لا .. وما تسمعه
تحياتي ماجد الشاعر
29/1/2009