يلبايك الضحكه ..........................بقلمي

[يحيى الحميداوي]

يلبايك الضحكه غفل ...
وراسم على أشفافي جرح
يمسلهم أعيونك وفه ..
وبجفك أتذر بملح
يمعاند الخطوة التجي ..
ومبسمر أعيون الصبح
كلك وفــــــــــه .....!
وحسبالي كلك .......عاطفه
وحسبالي ظفت شفتك ...
تامن أكلوب الخايفه.....
وحسبت كل شهكه صدك....
ومن كتلي أروح وما أجي .....
كلت أنه لحظة من الزعل ...
جلمة بحلك.......
لكن صدك......
بينت لجمة بعشرتك ...
وبينت ماهزك عشك...
وماجيت وأنه بحاجتك ...
وأنه الوياك من العرك
متذكرت مره السهر ..
والليل وعيون الكمر ...
وأحجايتك ماننتهي ..
ونعبر محطات السفر
شو باول المعبر خنت ....
وبريح خرسه أتطشرت ...
لميتك وردتك ضوه ...
ظلمة أعله كل ضي غيمت ...
مسكين كلبي وغربته ....
يزعل ويرضه بكيفه
وحده يسولف علجرح
يوصف حبيبه وطيفه.....
أيكله كبل جنه سوه
شيسوي ولفي بكيفه.....
وهســـــــــــــه.....على أشفافه أنتحر
أسمي وذبحني بسيفه



بقلمي الشاعر
يحيى الحميداوي
24-1-2011

[صرخة الحق]

تسلم ايدك عيوني دوم الابداع

شو باول المعبر خنت ....
وبريح خرسه أتطشرت ...
لميتك وردتك ضوه ...
ظلمة أعله كل ضي غيمت ...

الله عليك ياشاعرنا الكبير يحيى الحميداوي
قصيدة جميلة بكل معنى الكلمة
عاشت ايدك على هذه المفردات الرائعة
تقبل مروري

[يحيى الحميداوي]

الرائع....صرخة حق ........
شكرا لمرورك الكريم ........تحياتي

[يحيى الحميداوي]

الاخ المبدع .......الزير سالم
شكرا لمرورك الكريم وكلامك الجميل .........تحياتي