اول مره شفتك بيه مدري شصار؟؟

[عاشق عيونك]

اول مره شفتك بيه مدري شصار
احس كلبي تعلك كله بعيونك



حبيتك من قبل لا اعرف الاسماء
ومعروف الاسم صدكني من لونك


واذا لا سامح الله ورحت للغير
احط عبوات لهلك اذا ينطونك


مو كالو تجنن قيس من ليلاه
اذا فعلن تجنن اني مجنونك


وكون اهلك علك بالركبه يخلون
حتى الناس اصلا مايحسدونك



ولو ادري العلك ميفيد وياك
لان العلك دايخ هو بعيونك



واذا فوك الكاع رجه تصير
ماتحمل الكاع الثكل بمتونك




جمال البيك ماظن شايله انسان
ومن كد الجمال اجيال يذكرونك



ويدرسون اعله عينك والرمش كتال
والطلاب رادو بس يحفظونك



يحفظون الشفايف رئسن وينسون
داخو من كثر ماكام يقرونك



درس خلو خصوصي من جمال البيك
طلع حتى المعلم يدرس عيونك



واسمك على الحايط بالدراسات
واذا قدمو بحث لازم يقدمونك



ماينقبل بحثه المايقدم بيك
وموضوع البحث يدرس على عيونك



يعني انت دراسه وتدرس الطلاب
او وزاره الوحدك لازم يخلونك

تحياتي
عاشق عيونك

[هاشم نجم]

واذا لا سامح الله ورحت للغير
احط عبوات لهلك اذا ينطونك
--------------
عاشت ايدك على هذا القصيده التي تحمل همك
بس دخيلك اخي العزيز من العبوات تره ملينه منها اهواي طرق موجوده غيرها
واتخلص من اهلها ( للمداعبه فقط )
وتقبل تحياتي ومروري

[سلام الدراجي]

واذا لا سامح الله ورحت للغير
احط عبوات لهلك اذا ينطونك
اخي العاشق قصيده غزليه عاشت ايدك ابداع جميل بس حبي (ابتعد عن العبوات الله ايخليك)ههههه تحياتي الك مع حبي واحترامي

[ملكة الاحساس]

شكرا
اخوية
على
الموضوع

[حيدر القريشي]

قصيده في غايه الروعه
شكرا الك يغالي
وتقبل تحياتي

[محمد السوداني]

واسمك على الحايط بالدراسات
واذا قدمو بحث لازم يقدمونك

ماينقبل بحثه المايقدم بيك
وموضوع البحث يدرس على عيونك


الله روعه عاشت ايدك يارائع على هاي القصيده
تقبل تحياتي وتقديري

[عاشق عيونك]

هاشم... الزير احبابي اني افجر نفسي وما افجركم انتوووووووووو اعزاز عندي
بس اذا عدكم سيارة الزكها الكم لزك هاي الجديدة جاية هههههههههههههه

الله يطول عمركم يا غالين وكل اعضاء المنتدى الصحة والسلامة الهم يارب



تحياتي

[عاشق عيونك]

ملكة...حيدر...محمد منورين الف شكر ع المرور



تحياتي للجميع