خـــــريف العمـــــــــــر ....مستعجل يعمري اشعندك اوياي

[أنثى شرقية]

عدد هاي الاصابع بقه ابدنياي

ذبلت شمسك او هَم جدمه الغروب

او فرق .. وين الظلام .. او وين الفياي

شمعه ابأثر شمعه اتذوب السنين

او ناوي ابلهب نارك تحرك الجاي

شيب الراس اصبغه او اسود ايعود

شصبغ بالكلب ويردني لصباي

بالطوبه اهدعش والخصم معروف

اذا دنيا عليْ شيصده مرماي

ركد خيط الوكاحه اوشح ضوه العين

او بعد لو مر حلو ماترجف اعضاي

كبل ماترتوي من شوفي العيون

وأشربهن بكيفي او مالهن راي

وامشي عالهوى ابخطوة العشرين

وجن خطوه ابكزاز اليوم ممشاي

يمر الليل وحشه اشمطول الليل

وابوس ايده يحش اعصابي بهداي

هجرت عشهه هسه اطيور الاعجاب

او حال النهر حالي ابشحة الماي

او كل واحد تحت نجمه العزيزين

اشتراويني بعد وشأقسه من هاي

مستعجل يعمري اشعندك او وياي

عدد ذني الاصابع بقه ابدنياي

000000000000000000000000000000
للشاعر الكبير 000 رياض الركابي

[سهر]

شمعه ابأثر شمعه اتذوب السنين

او ناوي ابلهب نارك تحرك الجاي

شيب الراس اصبغه او اسود ايعود

شصبغ بالكلب ويردني لصباي


مشكووووووووووووووووور عمري

تقبلي تحياتي

[سلام الدراجي]

تسلمين احلام ويسلم الشاعر الركابي
ويسلملي هالذوق الرائع في الاختيار
كم اتمنى ان اشوف قصيده مكتوبه بيدك
تحياتي مع كل الاحترام

[علي الغنيمه]

اختيار موفق يااحلام كلك ذوق تقبلي مروري ومودتي

[أنثى شرقية]

اسعدني مروركم جميعااا ربي يوفقكم ويحفظكم
وممنونه لكل شخص مر من هنا وشرفني

دمتم بالف خير
تحياتي لكم

[عباس الفرطوسي]

اختي العزيزه
لخريف العمر عدة صور هذه صوره اطرها المبدع رياض الركابي وانا سوف اكتب صوره اخرى لسان حال احدى الفتيات وخريف العمر يذبل اوراقها ... تحيه للنقل الجميل تقبلي مروري

[أنثى شرقية]

اسعدني مرورك اخوي الطيب ربي يحفظك
تحياتي

[حيدر2009]

ذوق راقي وجميل وقصيده رائعه وعاشت ايدك يااحلام على هذه القصيده الراقيه تقبلي مروري *حيدر الغزالي