عيونك حبيبي

لعيونك ..
اشتاگ وأسأل
دوم انت اشلونك
ولعيونك ..
ذوبت عمري المايعيش ابدونك
ولعيونك ..
رخصت دمعي الچان غالي
ورخص بس لعيونك
تمنيت لو عندي جنح
ياخذني ويه الريح
ويوصلني يم ادروبك
وتمنيت .. لو عندي گلب ..
يتحمل ليومين
من ماشوفك
اشگد وحشه ايام الگضت
من دونك ؟؟
غربة .. ومتاهات .. وألم ..
وگلوب صلفه ..
وابد ماتوصل لربع اگلوبك
يا أهلي تعبني الحنين
وتغفه ايامي اعله طاري اجفونك
بالغربة وي روحي
وادور .. بلكي بالصدفة
العيون اتشوفك..
اي وينك ..
عفتني وحدي
واني ادور وينك ؟؟
بالغربة شفت اوجوه
من تضحك چذب
واتذكرت كل بسمه
چانت غافيه اعله
اوجوهك
ولعيونك .. ابعث تحياتي
بجنح كل طير
حط يم بوبك
ولعيونك .. لعيونك
اتروح فدوه الدنيا
كلها لرمشه من عيونك
نوووووووووووروني برودوكم لاتنسون

[ام فيصل]

الله الله عليج عزيزتي
قصيدة جميلة واحساس اجمل
عاشت ايدج بمبوني
واتمنى لك كل التوفيق
تقبلي تحياتي - وسعدت ان اكون اول المارين بين كلماتك

[احمد النونو]

يارب يسعد كل ايامك أ.بمبونى

ولعيونك .. ابعث تحياتي
بجنح كل طير
حط يم بوبك
ولعيونك .. لعيونك
اتروح فدوه الدنيا
كلها لرمشه من عيونك

احساس رائع من انامل رائعة تحياتى واحتراماتى

تسلموووووووووووووووووووووووووووون على المرور (حبايب)