شتريتك ياكلب لشاعر عادل الموزان

[عادل الموزان]

شتريتك ياكلب والوكت اسا عليك وأدريبك جلد وبسومته اتردة
رادك بس تطيعه شكثر غرر بيك ورواك شكثر حلوات من عدة
وانه طيتك صبرووصيتك اشتد بيه وجرحك لاتخلي الشامت يشدة
وضحك لاتضل مدفون بالنسيان خل ربعك تشوفك ساعة الشدة
ولو صار الوكت ذيب انته صير السيف اكيد الذيب يرتد لو لمع حدة
شتريتك لان شفت الروح هامت بيك تسهه ومن تسولف بيك تتعدة
اسولف بيك لو مر عالجفنك ضيم يهب شلال سيلك محد يردة
واذا صابك قحط وشتد عليك العوز جفك للردي ماتقبل اتمدة
طبع بابك مشرع للربع كل يوم ولامر يوم شفتك بابك اتسدة
ينوماس الصديج الدوم يفخر بيك شماتبعد صديجك ضاملك ودة
مثل شجرة صرت فييت ظهاري الصيف وغصنك ينحني لليكعد بسدة
وشفتك بالصحاري اتصير حفنتة ماي تروي البسموم اتفطرت جبدة
يدلال البراري اتصيرلو جن ليل والمضيع طريجة اتكومله ارشدة
كوم عالمسابك واسرج الرماح والعثرات وكتك كوم واتعدة
وعلة ظهر النهار اتخيل الصعبات واذا لاوة الزمات الجفك اشحدة
ذب عكازتك موهسة وتكة الشيب متعودة الرفاكك المثلك اتكصدة
ياهون يرن صاير مثل للناس كلي شغيرك ساكت جزت مدة
اخوتك بيك لاذو ساعة المركاض شمالك ملتهي بحزامك اتشدة
عدوانك تعدو كوم رد اعداك اعتقد ماتصفك ويرح جف وحدة



الشاعر
عادل نزار الموزان

[سلام الدراجي]

والله وصح السانك قصيده اكثر من رائعه
تسلم وعاشت ايدك
تحياتي
سلام الدراجي

[عادل الموزان]

شكرا" لمرورك واحس استقبالك دمت اخي سلام الدراجي

[سجاد الرحال]

الله يعطيك العافيه اخ عادل قصيده رائعه تقبل مروري مع فائق تقديري لك

[خليل الشرابي]

عادل نزار الموزان

شاعر بكل ماتحمله الكلمة من معنى

قصيدة جميلة جدا تصوير اكثر من رائع

تنم عن تجربة مريرة في هذا الوقت الصعب اخلاقيا و فكريا

وانه طيتك صبرووصيتك اشتد بيه وجرحك لاتخلي الشامت يشدة
وضحك لاتضل مدفون بالنسيان خل ربعك تشوفك ساعة الشدة

أرفع القعبة لهذا النص وشاعره المبدع

اخوك الشرابي