حلم الطفل.... للشاعر علي الجميل

أبني بصف الاول ونقتل
لئن تعلم يخط كلمة احبك ياوطن
سال اعله الكاع دمه
وكحل الكاع الي بيه اندفن
ألـعلم نزل وصاح الله واكبر
ولتف اعله طوله وصار جفن
عليه سالت دمعات سنابل
من دمعاته جان يرويهن لوعطشن
عاش اعله نايبات الوطن
اعله جرح يدك بدمعته لحن
جانت عيونه سود ذبلانات
أعله الوطن لبسهن ثوب الحزن
رضع الصبر والظيم من الصغر
ورجليه من الفقر تحفن
ماشاف بيوم شمس الفرح تمر عليه
ومن ضواها يتفرع غصن
حمل هم اعله كل دمعة ام ماتسيل
يتمنه بداله تنرسم ابتسامه عليه بكل زمن
يحلم بكل شارع يصير عرس
وتفرح كل هاي الناس وينسون الحزن
ويحلم بكل باب تنزرع ورده
وللشارع ينضاف بريحته حسن
كتب اعله الصبوره امان مبيوك
من الكلوب ويتلثم بينه الجبن
ويحلم ماتنباك منه الضحكه ويظل الفرح
بكل مكان يرسي مثل السفن
باكو كل احلامه برمشت العين
مثل الصوت الي يمر بل أذن

الحلم مو حرام ولا عيب بس
يجرح الفقيروصعب يتحقق لاكن ؟
من السهل تكدر اشوفه
ومن الصعب تكدرتعيشه بهل زمن
أختالو كل احلامه بسبب يحلم بلوطن
بحلم وردي بسببه دفع الثمن

[سلام الدراجي]

اخي صقر بغداد اعتقد هذه القصيده انت كاتبها اقول بدايه موفقه ولو فيها زحاف في الوزن ولكن تعتبر جيده
انتظر جديدك اهلا وسهلا بك في الفرات