ماريد دنيتي بلياك

ما اريد دنيتي لو جانت بلياك
شلي بدنيتي وما بيها انته
اذبح هالكلب لو فكر مره ينساك
لك شنو نفع الكلب ومو الك دكته
اسد حلوك التسولف من اكعد اني وياك
......واطول سكوتي و اعيش هالسكته
لو حبك جبل وحمل عل الظهر ينشال
اشيل حبك حمل حتى لو سندي أكسرته
لتخليني اتعلق بين الاريد و لا
صريح اني بكلامي وحيل وضحته
لتغشم بروحك وتسوي نفسك ما حسيت
اني الفاقد احساسه بحبي الك حسسته
كالوا احذر يمكن انت معجب بي
بس همه ما يدرون حبك بكلبي عبر حده
بس انت حبك مبين وحيل مفضوح
وعشك الناس كلها بوكه بالسكته
حبي الك مثل ونه مريض بليل
هم شفت مريض ونكر ونته
مدرسه انت واني طالب بيك
ويا طالب حاول يفهمك بدرس الوصف رسبته
بس اني اخذت منك امتياز
لان كل درس بيك اني الي انهجته
صح صح انت المعلم صح
بس المعلم اني الي علمته..

[سامي المشكور]

رائع اخت فاتن
عاش التميز
دام الابداع

شكرا يالغالي سامي المشكور

تحياتي لك مع كل الود