الابوذية فن واختصاص..وهذا هو الدليل..

[شوك الشفايف]

جذب جدمي على الطيبين ينجال
وماضل عدل بالميزان ينجال
سألته لحم اخوك الميت ينجال
يكلي الوكت شرعا حله اليه.

...........

تكتر لاني من وشرك وصنفاك
وتادب من تمازحني وصن فاك
العتب عالصعدك بايه وصنفاك
جبل لوصرت ماتعله عليه.

............

وحك الله وقضاه بالسمه وارضه
بغيرك لا تضني اقتنع وارضه
عشرتي وياك عشرة خشب وارضه
تلفت اعضاي من ادخلت بيه.

.........................

للراحل الكبير ....الصديق والاخ
منعم صالح.......ابو اسراح..له الرحمة..

[شاكر الهلالي]

رحم الله الشاعر واحسن اليه

احسنت اخي العزيز شوگ

دائما تتحفنا بكل جميل 0

[شوك الشفايف]

حبيبي الاستاذ الرا ئع شاكر الهلالي لك محبتي..

[السومري71]

احسنت اخي العزيز وعاشت الأيادي
ابوذيات فعلا مميزه
تحياتي لك والرحمه للشاعر منعم صالح

[شوك الشفايف]

حبيبي الغالي الاستاذ السومري ..........
بالفعل انت سومري رائع......

[هدار سامي شياع المنصوري]

الدنيه جم عزيز الخذت ونفت
مني والدليل انسحن ونفت
لون تدري ابسهم الهجر ونفت
وسط كَلبي وعلاجه الشح عليه
تحياااااااااااااااااااااااتي

[asir]

الله الله یسلم الحلالی علی هذا النقل الجمیل وکذالک الاخ العزیز هدار علی ونفت
علی بخت الزمان الفات من فات
عسرنی وخله گلبی ابنار من فات
چنت انه ابثجیل الحمل من فات
انحلت حتی الفتل یثگل علیه
لشاعر رزاق ابورضا الرفیعی من مدینه المحمره

[محمود شاكر الهلالي]

اختيار جميل جدا اخي العزيز

تقبل احلى تحياتي ودمت مبدعا