فرض حبك ياعلي\\\\\\\\\\\\\\\\\\\\
السلام عليك ياامير المؤمنين
وسيد الوصيين ويعسوب الدين
امام الانس والجان قالع الباب مفرق الاحزاب ليث الغاب ابن عم الرسول زوج البتول والد السبطين الحسن والحسين امير المؤمنين علي ابن ابي طالب \ع\
ارفع العزاء الى خاتم الامامه وسر البتول الزهراء الامام المنتظر\عج\ والى العالم الاسلامي والانسانيه جمعاء بمصاب الامام علي
-----------------------------------
فرض حبك ياعلي من السمه
وانكتب بالقران حبك وانذكر
انته سيف الله البرز بالموزمه
وبيك هالاسلام فاز وأنتصر
بيك ركن الدين ثبتت والاصول
وبيك ياكرار هالدين استقر
انته بيك اتشرف البيت الحرام
ولجلك البنيان بالبيت انفطر
وبيك مريم يوم ماجاهه المخاض
صاحت احضر ياعلي وعيسى ظهر
انته الك صولات مشهوده وحروب
واقعة خيبر احد غزوة بدر
انته معروف بنزالك للخصوم
ماتثني اعليه ظرباتك وتر
انته كل الدين كالاها الرسول
يوم مابرزيت للكافرعمر
منهو غيرك برز واتحده النزال
كلهه ضمت روسهه وحيدر طفر وكلت للمصطفى انه اسعدك
انه اكصلك راس ابن ود والكفر ولمّن احتزيت راس ابن الشرك
هلت ادموع النبي وبيك افتخر
وابن مرحب جان ينعد بألوف
جندليته وصار جدامك خبر
وباب خيبر ذاك التسده اربعين
حولاه يمناك لجيوشك جسر
انته بيك الباري وصه المصطفى
تكون بعد النبي قائد هالبشر
بالغدير الباري نزّل هالولاء
وبيك يوم الخم نبي الامه أمر
كال والو المرتضى فيكم امير
واللي ميواليه مصيره في سقر
كلهه اجت كالت يحيدر(بخ لك)
تالي نقضو بيعتك ولد العهر
انته فضلك ياعلي ماينحصي
بكد عدد كطرات ماي البلبحر
هذا غيض اذكره من فيضك يحيد
ومن اريد احجي اظل طول العمر
---------------------------------
السلام عليك يوم ولدت ويوم استشهدت ويوم تبعث حيا
رد مع اقتباس
