الجثة والدود (لعريان السيد خلف)

[رنا العراقية]

تنيتك عود .. ينشاف العطش بيه ..
او عله .. المامش ، اهروشي اتجود
الوذ ابشيمة العاكَول .. واصعد .. عله
الآه اصعود
ومراوح يعمر اجفاك .. جرح ايصيح ..
او جرح يهود
او تنيتك وانت ميت شوك
ظنه اعله اليموت ايعود
اتاني الود .. يدمعة عين .. طاحت
وشيردها اردود
واشعزة الدمع بالعين .. لو ..
شح ساعة المنكَود
خليني اعله بالك .. طيف .. لو عادت
ايامي يعود
او خليني اويه دمك شوك .. من
شوكي البلايه احدود
ومحالل بعت وشريت .. بيهن والعمر
معدود
او مو ندمه الغزالة اتطيح .. صيده
ابشبجة الصايود
لاجن يالعزيز الحيف .. عالصايد
يكَع مصيود
لو ذيج الليالي اتعود ، او لو شطنه الجزر
يومين .. خنياب .. او يرد صيهود
جنت اصرخ : يهلغراف ما تغسل
اكَلوب السود
وتشلبه اعله سور الغيض .. لو ..
باب العتب مسدود
وكَبالك وافك الروح .. من .. حبل
الوفه المعكَود
وتكتر ولك دنياك .. خل تنكَص ..
او خل اتزود
واتصبّر .. يكَلبي انعيش .. تتواكَد
واكَلك هود
دنياتك نحيسة عين .. والوادم ..
خلية جود
وصوابك .. يجرح الآخ .. كل آخ
التلجمه يزود
يمعتب هظيمه اعليك .. تحصد ..
باثة المحصود
او تعتب والعتب مدفون ..
جثة التم عليها الدود
جثه التم عليه الدود



مع تحياتي رنو

[طالب الناصري]

حلو عاشت الانامل
انتقاء بطعم الشهد

جميل هذا الانتقاء
لشاعر العراق عريان السيد خلف
تحياتي لكِ

[ام فيصل]

سلم لنا هذا التذوق عزيزتي
قصيدة رائعة بإحساس جميل وكلمات ناطقة عذوبة

شكرا لك ولجميل اختيارك
نورتي المنتدى
كوني بالقرب دوما عزيزتي
تحياتي وودي

يسلمو
انتقاء رائع
لجميل الشعراء
السيد عريان السيد خلف
واحي ذوقج الجميل
تحيااااااااااااااااااااااااااااتي

[الكناري يونس الجبوري]

ما اروع انتقائك وذوقك اختي رنا
لاتحرمينا من المزيد
تقبلي مروري
وتحيتي لك