قصيده عتاب اب لأبنائه

[محسن المفرجي]

(حكَي اريده)
اجاني العيدوهدوم العلي ســــود
وريداعتب عليـــــكم يلتعيـــــــدون
علي اعيادمــــــرت وآنــــه حزنـــان
ولاعيدالعلي انتــــم تنشـــــــــدون
هضم انخه وتجافونــــــي يالــــولاد
لجـــــن مجبوربيــــــه ماتحســــون
انه الحامل حزن كل هاي الاسنين
ونطيت الكم الخيرالبيـــــــه مدفون
هذاانه الوطن موحكَــــــــي ياناس
اريدافرح مثل كل اليفـــــرحــــــون
لون اطلق عنان القلم والســــــان
شطبت اشماعلي انتم تكتبـــــون
اشوجنه حجيكم صار هاليــــــــوم
بس اعلام موش بفعل مقــــــرون
كَطعتوني وسط وشمال وجنــــوب
عجيبه شلون بالوحــــده تنــــادون
صرت ملعب جبيرالكـــل الاشـــــرار
وانتم طوبتــــه وبينــــــه يلعبـــــون
لتخيبو المضن بيكـــــــــم يلحيــــاد
اعله اهاليكم اريدنكم تطلعـــــــون
مانامواهلكم لحظـــــه عالضيـــــم
اهل غيره وعزم بيهـــن يباهـــــون
ماضنكم نسيتوالمجــــد تذكـــــــار
اسم ذاك البطل شعلان ابوالجــون
شكَول وشحجي حاير باليكَولــــون
العراقيين عالعيــــله يسكتــــــــون
الوطن حكَه عليكم منكم ايريــــــد
مثل طاعة الوالداله اتطيعـــــــــون
لتغركم الدنيه واللبس والمـــــــال
دين الوطن يطلبكم توفـــــــــــــون
اريدنكم يولدي ابساعة الكـــــــون
عله اعداكم غضب انتم تصبــــون
خل افرح اوياكم مــــره بالعيــــــــد
وثوب ابيض الي انتم تفصـــلـــــون
يولدي المثل صادكَ ذاك من كَــــال
ابتعاون كَـــوم ابـــــــــداً مايذلــــون

بقلمي

[كبريــاء رجـل]

اااالله عليك اخويه محسن قصيدة رائعه ننتظر جديدك ياغالي تحياتي الكـ

[بلسم الروح]

احسنتم اخي الغالي
كلمات غاية في الروعة
دام لنا هذا الحس الرائع في انتقاء وصيغة الكلمة
دمت بخير
تحياتي

[الشاعر محمد الحميداوي]

احسنت محسن وسلم لنا هذا النبض

[محسن المفرجي]

شكرا لك ياكبرياء الغالي شرفني مرورك تحياتي

[محسن المفرجي]

اشكر لكِ المرور الغالي يااخت بلسم تحياتي

[محسن المفرجي]

تسلملي يلحميداوي شكرا لمرورك تحياتي

[سجاد الرحال]

اخي المفرجي تحياتي الك ويستاهل وطنه الغالي وانشاء الله نبقى اوفياء له مهما دار بنا الزمن فلك كل التقدير والاحترام