علي الحبك فرح في مولدك مولاي
ومن دمع الفرح بي تختنگ ريته
علي وگبلك علي بهلكون ابد ماصار
ولابعدك بشر مثلك وصل صيته
چف بي سيف شايل عيونه تجدح نار
وچف تفتر على الأيتام صينيته
حاتم لليضيفه بليل يشعل نار
وعلي بضي وجهك الجوعان دليته
حاتم للفخر من يكرم الجوعان
وعلي لوجه الجليل وصافيه نيته
موسى بنص جزيره ونزعو نعليه
ربك گله انزعه وگال نزعيته
أمك ياعلي هم نزعت النعلين
لو طبت دشر بنعالها البيته
چيف أنت بطنها غيروها الباب
وهدالك ركن لمن تعنيته
أتفضلي يفاطم صاحها جبريل
هذا الباب صار وذاك سديته
أمر باري الخلايق هالركن ينشال
ولأن شال الركن هالفضل رديته
طهرت المضيف البي صرت والبيت
ومن فوگه الصنم للگاع ذبيته